Ururuka Alshabaab ayaa baahiyey magaca iyo qabiilka ninkii fuliyey weerarkii is-qarxinta ahaa ee 23-ka bishan ka dhacay magaalada Baladweyne, weerarkaasi oo sababy dhimashada in ka badan 50 qof oo ay ku jirto xildhibaan Aamino.
XAQIIQO NEWS- WARARKA GUDAHA
Ururka Al-shabaab oo iyaga sheegtay mas’uuliyadda weerarkii Xildhibaan Aamino lagu dilay ayaa baahiyey magaca iyo qabiilka ninkii isku qarxiyey xil.Aamino.
Idaacadda AL-shabaab oo sii deysay cod laga duubay ninka is-qarxiyey ayaa sheegtay in fuliyaha weerarka uu ka dhashay beesha Mareexaan gaar ahaan jufada Cali dheere.
Al-shabaab ayaa magaca qofka is qarxiyey ku sheegtay Maxamuud Cabdiqaadir kaasi poo ahaa 25 sano jir ku dhashay Balad-Xaawo sanadkii 1997-kii, qoyskiisuna ay dagan yihiin halkaas.
23-kii bishan Maarso waxaa magaalada Baladweyne ka dhacay qaraxyo mataano kaasi oo ay ku dhinteen dad ka badan 50 qof, qarax kowaad ayaa ahaa qof is qarxiyey halka qaraxa kalane uu ahaa gaari la dhigay isbitaalka weyne ee Baladweyne agtiisa,si loola beegsado dadka gurmadka ahaa.