XAQIIQO NEWS- WAR IYO DHAMMAANTIIS
WARKA:Howlgalka Amisom ayaa u xuubsiibtay howlgal ku meel gaar ah (African Union Transitional Mission In Somalia) sida ku xusan heshiis lagu gaaray magaalada Adisababa ee dalka Itoobiya.
DHAMMAADKIISA:Howgalka Amisom oo soo soo bilowday 2007-dii, islmarkaana ah kii ugu dheeraa ee ciidamo shisheeya ah ay joogaan dalka xornimadii ka dib, ayaa u muuqda mid ku dhow gabgabo, sida uu qoraayo heshiis labada dhinac(Midowga Afrika Iyo Dowladda Soomaaliya) ay ku gaareen magaalada Adisababa.
Heshiiska labada dhinac ay gaareen waxa uu qorayaa in howgalka AMISOM loo badalo ATMIS, taasi oo fursad labo sano dheeri oo sii joogitaan ah siineysa ciidanka shisheeye.
Marka loo fiiriyo heshiiska, ciidamada midowga Afrika ka socda kuwaasi oo hadda ku howlgala magaca AMISOM ayaa sii joogi doona dalka, taasi oo ka dhigan in isbadalka ugu weyn uu yahay magaca oo kaliya.
Waxaa kale oo heshiiska ku xusan in hogaanka ciidanka ATMIS ay qaadan doonto dowladda leh ciidanka ugu badan.
Ciidanka Midowga Afrika ka socda ee ka howlgala Soomaaliya ayaa gaaraya ku dhawaad 25 kun oo askari oo ka kala socda Ugaandha, Burundi, Kenya Itoobiya iyo Jabuuti halka Ghana, Nayjeeriya, Siraalooyin iyo Zambiyana ay qeyb ka yihiin booliska AMISOM.