Faafaahin..Axmed Shaakir Oo Isku Qarxiyey BacaadWeyn!

La Wadaag Asxaabtaada

Idaacadda Al-shabaab ayaa baahisay wareysi laga qaaday ninkii isku qarxiyey deegaanka bacaad weyn, kaasi oo magaciisu lagu sheegay Axmed Cabdullaahi Abdiqaadir oo ku magac dheeraa (Axmd Shaakir).


XAQIIQO NEWS- WARARKA GUDAHA

Intiina wararka la socda, waxaad ka warqabtiin xiisadda ka taagan gobolka Mudug, halkaasi oo todobaadyadii ugu dambeysay ay isku fara saareen ciidanka Df-ka qeybta Mudug iyo ciidanka Galmudug oo dhinac ah iyo dagaalyahanada Al-shabaab oo dhinac kala ah.

Idaacadda Al-shabaab ayaa baahisay codka iyo wareysi laga duubay dagaalyahankii isku qarxiyey ciidanka huwanta ee weeraray Bacaadweyn maalinta Jimcada ee la soo dhaafay.

Ninka is qarxiyey oo magaciisu lagu sheegay Axmed Shaakir ayaa sida idaacadda sheegtay ka soo jeeda beesha Tuni.

Wareysiga laga qaaday Axmed Shaakir ee la sii daayey ayaa imaanaya xilli wili ciidankii dagaalamay ay isku horfadhiyaan deegaanadii lagu dagaalamay, halka labada dhinacna ay kala sheeganayaan guulo.

Bacaadweyn iyo deegaanada hoos yimaada ayaa todobaadkii ugu dambeyeyy marti geliyey iska horimaadyo xoog leh oo u dhaxeeyey ciidanka huwanta iyo Al-shabaab.

FADLAN QEYBTA HOOSE KU DHIIBO ARAGTIDAADA
La Wadaag Asxaabtaada