Markasta oo aan maqalno BBC-da waxaa dhagaheena ku soo dhaca dawanka saacadda “Big ben” iyo codka xiga ee ah “halkani Waa London”, BBC-da oo beri lagu tirin jiray mid ka mid ah quwadaha boqortooyada, iminka xaalkeedu waa laga deyrinayaa.
Xaqiiqonews-Wararka Dibadda
BBC-da oo la asaasay sanadkii 1922-kii, marna ka mid aheyd warbaahinada aduunka ugu af-dheer ayaa hadda wajaheysa cabsi dhab ah taasi oo halis gelineysa sii jiritaanka idaacaddan.
Weerarkii ugu dambeeyey ee bbc-da lagu qaaday waxaa sameeyey ra’iisal wasaare Boris Johnson, oo BBC-da u arka in ay tahay mid u janjeerta dhanka xisbiga bidix, weerarkani ayaana beegsanaya qeybta jilicsan ee hay’addan oo ah xagga qarashka.
BBC-da ayaa qarash ahaan ku tiirsan waxa loo yaqaan “leesinka dawaashada TV-ga” sharcigaasi oo ah in lacag laga qaado, guri walbo, istibtaal,iyo goob walbo oo laga daawado TV-ga BBC-da.
Ra’iisal wasaare Johnson ayaana doonaya in uu meesha ka saaro sharcigan isagoo u arka in uu yahay mid “cadaalad darro ah” , madaama idaacadaha iyo Tilifishinada kale aysan isticmaalin sharcigan.
Sidoo Kale Aqri..Halkan Sabab Darteed Ha Isku Dhageysan BBC-da
Marka la fiiriyo qadiyaddan BBC-du waxa ay uga dhigantahay “nolol iyo geeri” maxaa yeelay 75% qarashka BBC-da ama qiyaastii lacag dhan 3.6 Billion oo pound ayey ka heshaa sharciga “leesinka daawashada TV-ga” , halka 25% oo kaliya ay ka hesho waxqabadyada kale sida iibinta barnaamijyada, iyadoo la ogyahay in BBC-da aan loo ogoleyn in ay ka qeyb noqoto tartanka xayiisiimaha ganacsiga ee ay ku shaqeystaan TV-yada kale ee ganacsiga.
Dhanka kale dhalinyrada da’dooda u dhaxeysa 16-34 , ayaa iyagana u jeestay dhanka iyo internetka sida Google-ka,Yuutuubka, iyagoo bixinta Qarashada Leesinka BBC-da u arka mid caqli gal aan aheyn, iyagoo sheega in arintaasi ay dhaawaceyso dimuquraadiyadda suuqa warbaahinta ee furan.