4-ta Feberaayo waxaa dunida looga dabaal dagaa maalinta caalamiga ah ee kansarka oo looga dan leeyahay in lagu hagaajiyo aqoonta ay dadku u leeyihiin kansarka iyo wacyi gelin ku saabsan xanuunkan.
XAQIIQO NEWS- CAAFIMAAD
Maalin barkeed qofka kuma baran karo calaamadaha iyo astaamaha lagu karto wax ka badan 200 nooc oo kansar ah, laakiin fahan guud oo qofka uu ka heysto calaamadaha guud waxa ay badbaadin kartaa naf nool.
1- Xanuun ama wajac la bixin waayey
Xanuunka waa digniin jirkeena noogu sheegaayo in ay jiraan wax qaldan, qofka mar walbo oo da’diida sii weynaata waxaaa iska badan in uu dareemo wajac.
Xanuunada garan waaga ah badanaa waxa ay calamaad digniin u yihiin cudurro jirka ku jira sida caabuqyada kala duwan ama kansarka.
Dhididka daran ee habeenkii waxa uu astaan u noqon karaa caabuqyada , badanaa dumarka dhalma gooyeyna aad ayuu ugu badan yahay, marka intaasi laga soo tago dhididka daran ee habeenkii waxa kale oo uu calamaad u noqon karaa Kansarka.
2- Hoos U Dhac Miisaanka Oo Saa’id ah
Qofka miisaankiisa oo wax yar is dhima waa iska caadi, balse hadii aad isku aragto miisaan dhicis xoog leh adiga oo aan ugu tala galin la socodsii dhaqtarkaaga.
3-Barar ama burooyin
Waa in aadan yareysan barar waqti dheer ah ama buro ka soo baxda qeyb jirkaaga ka mid ah.
Bararka waxa aad ku arki kartaa: Qoorta, caloosha, shaqfalaha, xabadka, naasaha ama xiniinyaha.
4- Daal badan
Waa caadi qofka oo daal dareema markii uu qabto shaqooyin culus ama marka ay jiraan dhibaatooyin xagga hurdada ah.
Hase ahaatee daalka sabab la’aanta ah waxa uu digniin u yahay qalad jirkaaga ka jira,u sheeg dhaqtarkaaga.
5-Dhibaato Xagga Cuntada ah
Xaalado caafimaad darro oo badan oo kansarka ka mid yahay ayaa keeni kara in qofka uu dhib ka dareemo hunguri mareenka xilliga cuntada.
hadii aad isku aragto cuntada liqitaankeeda oo kugu adag waqti dheer oo aan wax isbadal ah laheyn, la wadaag dhaqtarkaaga.
Sidoo kale qofka oo abateetka lumiya waxa calaamad u noqon kartaa kansarka, hadii aad isku aragto baahi aan ku qabaneyn wax isbadal ahna aan laheyn, la hadal dhaqtarka.
6- Isbadal aan caadi aheyn oo naasaha aad ku aragto
Waa in laga warhaayaa isbadal walbo oo ku dhaco xajmiga, qaabka ama taabashada naaska ama isbadalada maqaarka naaska tusaale naaska oo gaduud noqda ama xanuun.
Waxaa la aaminsan yahay in kansarka naasaha uu yahay mid ku badan dumarka, laakiin jinsi walbo oo aad tahay dhaqtarkaaga la hadal hadii wax isbadal ah ku aragto naaska.