Dr. Satir Zhijian, oo ah dhaqtar wadanaha ayaa tilmaamay in calool xanuunka iyo dhabar xanuunka ay noqon karaan calaamado sheegeya wadna xanuun.
XAQIIQO NEWS – CAAFIMAAD
Dhaqtarka oo la hadlay Express ayaa sheegay in calaamadahan qofka uu isku arki karo muddo ka hor inta uusan arkin wadna xanuun.
Qofka ayaa dareemaya dhabar xanuun iyo calool xanuun oo ay wehliyaan awood yari xagga dulqaadka ah.
Marka laga hadlaayo wadno xanuunka, dadku badanaa waxa ay yaqaanaan calaamadaha guud, sida neefta oo gaabata, xabad xanuun iyo lallabo,waxaana dhacda in aynaan xisaabtaba ku darsan dhabar xanuunka.
Hase ahaatee khubarrada waxa ay xiriirinayaan dhabar xanuunka iyo wadna xanuunka, gaar ahaan marka qofka uu dareemaayo dhabar xanuun markii uu jimicso sameeyo balse uu nafisaayo marka uu nasto, taasi waxa ay digniin u noqon kartaa in uu jiro wadna xanuun.