Carabtu Maxey Jannada Ku Dhax Sameyn Doonaan, Gaaladuse Maxey Naarta Ku Dhax Sameyn?

-

Warbixintaa soo socoto waxaa qoray qoraa Xasan Xamaada, Doorka Xaqiiqonews Waa Tarjumada oo kaliya, waxyaabaha ku jira warbixinta kama tarjumayaan aragtida Xaqiiqonews

Xaqiiqonews-

Maalinta Qiyaamaha Carabtu waxa ay aadi doonaan Jannada halka Gaaladuna ay naarta gali doonaan.

Intaasi ka dib gaalada iyaga oo isticmaalaya maskaxdooda waxa ay kuleylka naarta u badali doonaan tamar ay u adeegsadaan in ay ku sii horumariyaan xadaaradooda cusub, iyagoo ka faa,ideysanayaa aragtiyadii Newton, Galileo, Einstein, Edison iyo saynisyahanadii kale.

Waxa ay ku bilaabi doonaan in ay sameeyaan dabdhaliyaal ka sameysan walxo kuleylka iska caabin kara”Thermal insulation Materials” dabadeedna waxa ay horumarin doonaan dhalo weyn oo iska caabin karta kuleylka iyagoo dhalada gudaheeda ku xiri doono qaboojiyaal “Air conditions” sidaa darteed waxa ay awoodi doonaan in naarta dhaxdeeda ay ka sameeyaan magaalooyin waaweyn oo ka sameysan dhalooyinka iska caabiya kulka.

Halkaasi ayeyna ka sii wadi doonaan ilbaxnimadooda iyaga oo magalooyin waaweyn iyo warshado sameysan doona, xadaaradda cusub ayaa ka horumarsanaan doonto tii aduunyada madaama ay halkani(aakhiro) ka heli karaan tamarta awoodda badan ee aan xadka laheyn ee ka soo baxeysa naarta Jahannamo.

Jahanamada Kulul ayey u badali doonaan Janna Cagaaran, arinkaasina waxa ay waafaqsantahay xadiithkii rasuulka SCW ee ahaa ” خذوا جنتكم من النار” oo micnaheedu tahay “Naarta ka sameysta Jannadiina”.

Dhanka kale carabta doqonimadooda darteed Jannada waa ay kharibi doonaan, iyagoo isku layn doona afkaartii Maxamed Ibnu Cadbiwahab,Thawaahiri, Baqdaadi iyo Maxamed Cariifi.

Kheyraadka jannada ayaa la boobi doonaa, waxaana loo iibkeyn guryaha gaalada “Naarta”

Ka dib marka iska burburiyaan xaraadradoodu oo howshu ay ku adkaato carabta, waxa ay raadin doonaan culimadooda dhabta ee ay dayaceen, sida Ibnu Khalduun, Ibnu Siinaa iyo kuwa kale, laakin culimadaasi jannada laga heli maayao sababtoo ah horay ayaa loo gaaleeey, haddana waxa ay ku jiraan naarta jahannamo iyaga iyo gaalada.

Marka ay howsha halkaasi joogto carabta waxa ay doorbidi doonaan xadaaradda Jahanama ka bilaabatay halkaasi ayey nolol u raadi doonaan, iyadoo dhankooda gaalada ay adkeyn doonaa lacagaha iyo gelitaanka naarta, waxeyna maamuli doonaan carabta iyo jannadooda, isla sidii ay sameyn jireen markii ay dunida joogeen, taasi waa tilmaamtii ilaah uu qur’aankiisa ku sheegay ee aheyd


“ومن كان في هذه اعمى فهو في الاخرة اعمى واضل سبيلا” “

Ilaah SW waxa uu leeyahay “Qofkii aduunyada indhoole ku ah, aakhiradana waa indhoole waxa uuna ku jiraa baadida ugu daran.

Wararka U Dambeeyey

Mooska Miyuu Noqon Karaa Halis Caafimaad!

Labo saynisyahan oo ka tirsan jaamacadda Beihang University Jian Saotian iyo Liao Jie,ayaa shaaca ka qaaday halis caafimaad oo...

Dagaalkii Qoriga Ee Farmaajo Iyo Mucaaradka Miyuu Soo Dhowyahay?

XAQIIQO NEWS- WAR IYO DHAMMAANTIIS WARKA:Todobaadkan Midowga Musharixiinta ayaa soo saaray digniin ku aadan habsami u socodka doorashada oo ay...

NASA Oo Dooneysa In Ay Kowkab Qarxiso..Dhagaxii Qiyaamaha Miyaa Soo Dhow?

NASA ayaa isku diyaarineysa in ay markab-xiddigeed si kas ah ugu dhufato kowkab, si tababar ahaan ah, iyada oo...

Ma Wanaagsantahay In Aad Mar Walbo Ahaato Qof Wanaagsan?

Dadka badankood waa ay ku jeclaan doonaan marka aad tahay "qof wanaagsan" laakiin xisaabta ku darsa mararka qaar in...

Mahadnaq..Dulmiga Ikraan Tahliil !

Ka dib muddo dhan 5 bilood oo kiiska Ikraan Tahliil uu soo taagnaa, sidee u aragtaa aqriste in aan...

Faafaahin..Wariye Cabdi Casiis Afrika Oo U Geeriyooday Dhaawac

Wariyaha caanka ah Cabdi Casiis Afrika oo sidoo kale ahaa agaasimaha raadiyaha afka dowladda ku hadla ee "radio Muqdisho"...