Ceelbuur Nin Qabrigiisa La Diyaariyey Oo Noolaaday!

La Wadaag Asxaabtaada

Fagaare kuyaal magaalada Ceelbuur ee gobolka Galguduud bartamaha dalka Soomaaliya waxaa maanta isugusoo baxay boqolaal qof si ay udaawadaan xukun dil  oo lagu fulin lahaa ruux lagu eedeeyey in uu yahay gacan ku dhiigle. 

Xaqiiqonews-Wararka Gudaha

Goobta loo doonaayey in dilka lagu fuliyo  ayaa waxaa soo buuxdhaafiyey dad isku soo aruuray si ay u daawadaan qaabka dilka u dhacaya.

Saacadihii ugu dambeeyey xilli  eedeysanaha uu sugaayo in rasaasta dili laheyd ay ka soo baxdo qoriga, ayaa mid  ka mid ah  dadkii lahaa dhiigga qofkii uu horay udilay eedeysanaha uu codsaday diyo(lacag magdhaw ah oo laga bixiyo qofka la dilay), lana joojiyo dilka,   sidaasna waxaa lagu joojiyay xukunkii dilka ahaa.

Dadkii goobta ku sugnaa ayaa arrintaan aad ula yaabay waxaana fagaaraha laga kaxeeyay ninkii eedeysanaha ahaa ee sida dirqiga ah uga badbaaday xukunka dilka ah.

Arrintan ayaa si aad ah looga hadal hayaa gobolka Galguduud waxaana lafilayaa in qoyska leh dhiigga ruuxa horay loo dilay ay qaataan diyo sidaasna uu ku badbaaday eedeysanaha  maanta la dili  lahaa.

FADLAN QEYBTA HOOSE KU DHIIBO ARAGTIDAADA
La Wadaag Asxaabtaada