Dad isticmaala baraha bulshada ayaa is dhaafsaday muqaalka iyo sawir lagu arkaayo dhiig lagu tilmaamay in uu yahay mucjiso kana soo baxay goob u dhaw kacbda.
XAQIIQO NEWS- BARAHA BULSHADA
Isticmaalayaasha baraha bulshada qaarkooda ayaa dhiigga meesha ku daadsan ku qeexay in uu yahay dhiig dhulka ka soo baxay, arintaasi oo ku soo beegantay xuska dhalashada Cali Binu Abii Daalib, halka kuwa kalana ay sheegeen in dhiigga uu soo baxay xuska dilka Xuseen oo ah wiilkii uu awoowaha u ahaa Nabi Maxamed Scw, kaasi oo la dilay xilligii Amowiyiinta.
Hase ahaatee, muuqaalka oo ay asalkiisa laheyd wakaaladda France Press waxaa lagu arkaaa qof ku hadlaayo luuqadda Urduuga, qofkaasi ma uusan ka hadleynin mucjiso ama dhiig dhulka ka soo baxay, laakiin waxa uu ka warbixinaayey shil ka dhacday xajka gaar ahaan meel u dhaw dhagaxa madow.
Wakaaladda oo arinta ka hadashay ayaa sheegtay in dhacdada ay aheyd muuqaal laga duubay sanadkii 2017-dii shil ka dhacay meel u dhaw kacbada.