Ciidamada cirka Dowladda yahuudda ayaa soo gabagabeeyey todbaad dhoolatus xagga cirka ah waxaana dhoolatuskaasi qeyb ka ahaa dolwadaha Mareekanka,Faransiiska,jarmalka,gariiga,poland, Austria iyo Hindiya iyo sido kale waxaa loogu yeeray khuburo dagaal kuwaasi oo ka socday ku dhawaad 40 dowladadood oo dunida ah.
Dhoolatuskani oo loo bixiyey magaca” calanka buluuga ah” laguna qabtay degaanka “Oveda” ayaa lagu tilmaamay dhoolatuskii ugu weynaa ee ciidmada cirka Isra,il ay sameeyeen waaxaana la soo bandhigay diyaarado ka hortagi karo Hubka lidka diyaaradaha.
Ilo Wareedyo militir oo dowladda Isra,il ay leedahay ayaa sheegay in Isra,il ay ka faa,ideysaneyso khibradda khubarada si bey yiraahdeen loogu qeyb qaato si wada jir ah waxa ay ugu yeereen “caqabadaha guud” ee ka taagan bariga dhexe.
Dhoolatuskani ayaa ku soo aadaya xilli hey,adaha amaanka u qaabilsan ee yahuuda ay muujinayaan walaac xagga amaanka iyagoo codsay in degaano dhowr ah la geeyo madaxyada Ka hortagga Kantaalaha ee loo yaqaan “Iron Dome” iyagoo ka cabsi qaba weerarada kooxda “xarakatu al jihaad al islaamiyi”
Warbaahinta Isra,il ayaa sheegay in ciidanka uu kor u qaaday Diyaargarowkiisa amaanka ee goobaha ku teedsan xaduuda marinka QAZA iyagoo ka cabsi qaba aargoosi ay sameeyaan xubanaha “xarakada aljihaadi al islaamiyi”.
Wara hoose oo sir ah oo ay heleen Wakaaladaha ayaa sheegaya in Dowladda Imaaraatka carabta ay qeyb ka aheyd dowladaha ka qeyb qaatay dhoolatuska waxaana la argay diyaaradaha Imaaraatka oo ka qeyb qaadanaya dhoolatuska