Daraasad caafimaad oo dhawaan la sameeyey ayaa waxa ay sheegeysaa in xanuun baa b’iyaha loo yaqaan Paracetamol Effervescent uu siyaadiyo qatarta wadna xanuunka hadii qofka uu ka isticmaalo xadi badan.
XAQIIQO NEWS- CAAFIMAAD
Daraasadda waxa adkeysay in cudurada la xariira wadnaha ay wili yihiin sababaha koowaad ee dhimashada adduunka oo dhan, maalaayiin qof ayaana cuduradan u dhinta sanad walbo.
Daraasaddan oo lagu daabacay “European Journal of the Heart” waxa ay leedahay xanuun baa bi’yaha Paracetamol Effervescent waa mid ka mid ah waxyaabaha sababa xanuunada wadnaha waxaana daawadani loo arkaa halis madaama laga heli kari farmashiyaasha iyo super market-yada.
Daraasadda waxa ay farta ku fiiqtay maadada ‘cusubada’ ee ku jirta daawada taasi oo keeni karta cudurada wadnaha la xariira, gaar ahaan maadada Soodiyum oo loo isticmaalo dawooyinka si ay dhiigga ugu milmaan.
Wasaaradda caafimaadka Biritan waxa ay ku talisay in dadka waaweyn aysan cunin oo wax ka badan 2.4 garaam oo Soodiyum ah maalintii, maxaa yeelay cunista badan ee cusbada ama Soodiyumka waa qatar ka mid ah sababayaasha xanuunada wadnaha.
Marka arintaasi laga soo tago, baarayaal ka socday jaamacadda Central South ee ku taal shiinaha waxa ay soo ogaadeen in Barastamoolka leh cusubada Soodiyum uu siyaadiyo halista qofka uu ugu jiro cudurada la xariira wadnaha.