Dowladda Somalia Oo Howlgal Sifeyn Ah Ka Fulineysa Xerada Xalane

Dowladda Farmaajo ayaa Casharo ka baratay dabinkii ay horay uga dhaceen dowlidihii iyada ka horreyey, waxaana hadda dowladda ay u muuqataa mid u sii dhawaaneysa “Xornimo taam ah”

Xaqiiqonews.com

Warqad ka soo baxday Wasaaradda Arrimaha Dibedda ee Soomaaliya ayaa lagu sheegay in Nicholas Haysom aan laga rabin dalka iyada oo loo sababeeyey go’aankaas in uu ku xad gudbaday habmaamuuskii Qaramada Midoobe iyo waliba madax bannaanida dalka.

Faarax Macallin oo ka falcelinaya go’aankaas ayaa boggiisa Twitter-ka soo dhigay qoraalkan.

“Waa tallaabo weyn oo ay qaadeen Farmaajo iyo Kheyre eryidda Nicholas Haysom. Ugu dambeyn waxa ay si xoog leh ugu caadeeneysaa dhammaan in Soomaaliya ay leeyihiin Soomaalida. Sanadihii dameeraha, wadanku cid walba ayaa lahayd marka laga reebo Soomaalida. Farmaajo iyo Kheyre nadiifiya Xalane iyo aagga dhaqaalaha ee badda”

Go’aanka lagu eryey Nicholas Haysom ayaa ahaa mid aan hore noociisa loo arag, oo aan laga fileyn dowladda Soomaaliya.

Waxaana dadka u Dhuun daloola arimaha siyaasadda Ay sheegayaan in Haysom ka dib la filaayo in dowladda ay ceyriso saraakiil galbeed ah oo ku xareysan Xerada Xalane.

FADLAN QEYBTA HOOSE KU DHIIBO ARAGTIDAADA