Waxaa jimcadii la soo dhaafay Turkiga ka furmay shir madaxeed Turkiga iyo Afrika iyadoo oo kulanka ay ka qeyb galeen 13 madaxweyne oo Afrikaan ah oo ku jiro madaxweynaha waqtigiisa Dhammaaday ee Soomaaliya Farmaajo.
XAQIIQO NEWS- WARARKA DIBADDA
Shir madaxeedkan ayaa sida ay khubaradda sheegayaan xoogga lagu saaray ammaanka iyadoo madaxda afrikaanka ah ee goobta lagu casuumay ay aad u daneeynayaan in ay helaan qalabka mlitaraiga ee Turkiga sameeya kuwaasi oo ay madaxda doonayaan in ay ku helaan qiimo ka raqiisan kana sharuud yar.
Ankara ayaa horay saldhigyo ugu laheyd Soomaaliya, Marooko iyo Tuniisiya kuwaasi oo sida warbixintu ay sheegeyso horay u helay diyaaradaha weerarka ah ee Bayrakhtar TB2.
Angoola ayaa ka mid ah wadamada Afrikaanka ah ee Erdogan la wadaagay xiisahooda ku aadan darooniska Turkiga markii Erdogan uu booqashadiisii ugu horeeey ku tagay waddaankaasi dhaca koonfurta Afrika bishii tagtay ee oktoobar.
Bishii Agoosto Turkiga ayaa sidoo kale heshiis miltari la saxiixday ra’iisal wasaaraha Itoobiya Abiy Axmed kaasi oo dagaal adag kula jira Jabhadda Tigrey.
“Meel Walboo oo aan Afrika tago, waxa ay i weydiisanayeen daroonis” Erdogan ayaa sidaasi ku faanay ka dib booqasho uu bishii Octoobar ku tagay Angoola, Nayjeeriya iyo Togo.