Farmaajo oo la kulamy beesha muddulood iyo cabsi ka dhalatay warqado lagu soo daadiyey muqdisho

[google_ad data_ad_slot=” data_ad_format=’rectangle’]
Wararka aynu ka heleyno qeybo kamid ah Muqdisho ayaa sheegaya in la arkay warqado la daadiyay kuwaas oo lagu qoray fariin ku socota madaxweynaha DF Soomaaliya Mudane Maxamed Cabdullahi Farmaajo.
Qaar kamid ah warqadahaas oo aan helnay ayaa waxaa ku qoran in shacabka Soomaaliyeed ay ku faraxsan yihiin in madaxweyne Farmaajo uu dalka ku hogaamiyo nabad iyo xasilooni.
Laakiin waxaa ay Warqadahaas ku qoreen in RW Cusub ee dalka Xasan Cali Kheyre uusan qaadi karin awooda xilkaas loo magacaabay.
Sidoo kale Madaxweyne Farmaajo ayaa loogu baaqaya inuusan lumin kalsoonida shacabka Soomaaliyeed oo aad utaageersan.

Madaxweynaha Federaalka Soomaaliya Maxamed C/llaahi Farmaajo ayaa kulan wadatashi ah ugu yeeray xildhibaanada labada gole ee kasoo jeeda Beesha Mudullood.
Wararka ayaa sheegaya in madaxweynaha uu Beeshan kala hadlayo awood qeybsiga xukuumadda Soomaaliya kadib markii uu magacaabay Ra’iisal wasaare cusub oo aan beeshan kasoo jeedin.
Beeshan ayaa hore madaxweynaha u weydiisatay inuu siiyo xilka Ra’iisal wasaaraha, arrintaas oo aan dhicin, laakin waxaa muuqata inuu raadiyo taageerada beeshan.
Kulankan ayaa ka danbeeyay shir kale oo Ra’iisal wasaaraha magacaaban Xasan Cali Kheyre la yeeshay xildhibaanada Beesha Hawiye.
Kulamada ayaa dhammaantood ku saabsan kalsooni u raadinta Ra’iisal wasaaraha cusub iyo awood qeybsiga xukuumadda la dhisi doono.
[google_ad data_ad_slot=” data_ad_format=’auto’]

FADLAN QEYBTA HOOSE KU DHIIBO ARAGTIDAADA