Farsamo Karoona Fayrus Lagu Dili Karo Wax Ka Yar 30 Ilbiriqsi

Daraasad cusub ayaa shaaca ka qaatay in layka LED, uu dili karo fayruska Karoona wax ka yar 30 ilbiriqsi gudahood, sida lagu sheegay cilmi baaris ay sameysay jaamacadda Tel Aviv ee Israel.


XAQIIQO NEWS- SAYNIS

Daraasaddan oo lagu sheegay in ay tahay tii ugu horeysay ee nooceeda ah, ayaa muujisay sida shucaaca danabeysan ee loo yaqaan “Ultraviolet” uu u yahay mid wax tar leh.

Baarayaasha waxaa darseen wax tarka laba mowjadood oo iftiin ah kuwaasi oo dilay fayruska Karoona.

Sidoo Kale Aqri: Dadka Karoona Ka Bogsaday Oo ilkahooda Calaamaddan Lagu Arkay

Wax ka yar 30 ilbiriqsi, iftiin dhirir mowjadeedkiisu uu yahay 265 nanometer ayaa awood u yeeshay in uu burburiyo 99.9% dhammaan waxyaabihii sababaayey cudurka fayruska.

Waxaa xusid mudan digniinta khubarada ay ka digayaan in qofka uusan iftiinkan iskaga isticmaalin gurigiisa si fayruska u dilo, waxaana la leeyahay waxaa habboon in iftiinka la adeegsanayaa uu noqdo mid loogu talagalay in uusan dhib gaarsiinin dadka.

FADLAN QEYBTA HOOSE KU DHIIBO ARAGTIDAADA