Guddoomiye kuxigeena cusub oo loo magacaabaya Gobolka Banaadir

La Wadaag Asxaabtaada

Waxaa saacadaha soo socda lagu wadaa in la magacaabay Guddoomiye kuxigeenada cusub ee Gobolka Banaadir, kuwaasoo bedeli doona Kuxigeenadii horay u joogay, iyadoo ay soo dhamaadeen wada tashiyadii la xiriiray magacaabista.

Sida ay sheegayaan wararka, Guddoomiyaha Gobolka Banaadir Taabid Cabdi Maxamed ayaa gacanta loo geliyay warqada magacaabista, iyadoo durbaba ay soo baxayaan shaqsiyaadka loo magacaabay xilalka kuxigeenada.

Ilo ku dhow dhow Gobolka Banaadir ayaa sheegaya in maanta illaa berri kama dmabeys lagu dhawaaqi doono xubnaha Kuxigeenada cusub ee bedeli doona kuwii hore.

Saddexda kuxigeen ee uu yeelanayo mid ka mid ah ayaa la sheegay inay tahay haweeney ka shaqeysa Xafiiska Ra’iisul Wasaaraha.

Guddoomiye kuxigeenadii horay u joogay ee kala ah Iimaan Nuur Iikar, Maxamed Axmed Diiriye iyo Ismaaciil Cabdi Guure ayaa lagu bedeli doono xubno ay isku heyb yihiin.

Shaqsiyaadka lagu bedeli doono oo aan magacyadooda oo dhameystiran helin ayaa lagu kala magacaabaa C/fataax oo bedeli doona Maxamed Axmed Diiriye, Maxamed Saalax oo isna bedeli doona Ismaaciil Cabdi Guure iyo gabar magaceeda lagu soo gaabiyay Maluuka oo iyana bedeli doonta Iimaan Nuur Iikar.

Is bedel lagu sameynayo kuxigeenadii hore ayay ku xiran tahay shaqada Guddoomiyaha cusub ee Gobolka Banaadir oo doonaya inuu la jaan-qaado mas’uuliyiin cusub, isla markaana Gobolka uu ka baxo xaalada cakirnaanta ee xaga dhaqaalaha, kaddib markii horay loo xayiray Akoonkii Gobolka

FADLAN QEYBTA HOOSE KU DHIIBO ARAGTIDAADA
La Wadaag Asxaabtaada