Wasaaradda Arimaha Dibadda Soomaaliya ayaa ku guuleysatay in dalka dib uga soo celiso dhalinyarro ku dhawaa boqol qof oo tahriibayaal ah kuwaasi oo ku jiray xabsiyo ku yaalla Liibiya.
XAQIIQO NEWS- WARARKA GUDAHA
Dhalinyarrada dalka dib loogu soo celiyey ayaa ka soo kala jeeday gobolada kala duwan ee Soomaaliya.
Qaar ka mid ah dhalinyarrada oo warbaahinta kula hadlay garoonka diyaaradaha ee Aadan Cadde ayaa dowladda Fedaraalka uga mahad celiyey dadaalka ay ku bixisay in ay xoriyadooda dib u helaan.
Cayduruus Haybe Cali oo ka mid ah dhalinyarrada ka soo jeeda Somaliland ee laga soo daayey xabsiyada Liibiya ayaa isaga oo Ilmeynaya sheegay in dhibkii labada sano xabsiyadii ugu jireen sababteedu ay tahay kala qeybsanaanta Soomaalida.
Caydruus ayaa oohinta dhaxdeeda ku dalbaday in la ilaaliyo Midnimada Soomaaliya.
Muuqaalka Hoose Ka Daawo Faafaahinta
Dowlada Soomaaliya oo dalka dib ugusoo celisay Ku dhawaad 100 dhalinyara ah oo ku xirnaa Xabsiyada Liibiya.Dowlada Soomaaliya oo dalka dib ugusoo celisay Ku dhawaad 100 dhalinyara ah oo ku xirnaa Xabsiyada Liibiya
Posted by Shabelle TV on Tuesday, 11 January 2022