Xarunta maxamed bin raashid, ee qaabilsan xiddigiska ayaa balan u qabatay goorta uu qorshaha yahay in hawada loo diro “misbaarkii rajada” oo noqonaya kii ugu horeeyey ee carab hawada u dirto.
Xaqiiqonews-Xiddigiska
Xarunta ayaa ku dhawaaqday in misbaarkan cusub la diri doono inta u dhaxeysa 20-22 ee bishani aynu ku jirno ee July, arinkaasi oo dib loo dhigay madaama horay loogu balansanaa 15-17 July.
Sida Xaqiiqonews ay soo tarjuntay, balankii hore dib u dhiciisu ayey wakaaladdu u sababeysay roobab xoog leh oo ka da’aayey jasiiradda Tanegashima oo ka tirsan Japan goobtaasi oo ah halka uu yaalo gantaalkii hawada u gami lahaa “misbaarka rajada”
Sidoo Kale Aqri..NASA Oo U Dhawaatay Qoraxda..Maxay Ku Arkeen?
Misbaarkani cusub ee maalgelintiisu ay leedahay Abu Dabia ayaa noqon doono kii ugu horeeyey ee noociisa ah, kaasi oo lagala socon doono isbabadalka cimilada meeraha gaduudan.
Waxaa la qorsheynayaa in misbaarkani uu gaari doono oogada sare ee Mars sanadka 2021, taasi oo ku soo beegmeysaa 50- sano guuradii ka soo wareegtay markii dhidibada loo aaasay dowladda Imaaraatka carabta.