In ka badan lixdan kun oo dhaqtar oo bartay cudurada maskaxda ayaa shir ay yeesheen waxa ay soo saareen qoraal dheer oo ay ku faafaahiyeen codsigooda.
Dhaqaatiirtani cilmiga maskaxda ku takhasusay oo uu hogaaminaayey dhaqtarka caanka ah ee John Gartner aya codsigooda ku soo lifaaqay warqad ay ku cadeeyeen in loo baahanyahay in uu si deg deg ah isku casilo madaxweynaha mareekanka iyagoo sheegay in uu Trump la xanuunsanyahy cudur halis ah oo maskaxda ku dhaca balse waxa ay diideen dhaqaatiirtani in ay sheegaan magaca cudurka.
Dr John Gartner ayaa yiri” shuruucdeena ka mid ma ahan in la sheego oo la baahiyo cudurada ay qabaan dadka caanka ah balse waxaan halkani ka cadeyneynaa in trump uu qabo cudur halis ah oo maskaxeed kaasi oo diidaayo in uu sii wato shaqadiisa”
Gartner ayaa sii raaciyey hadalkiisa”Annaga oo ah dhaqaatiir badan oo cudaradan ku takhasusay waxaan saxiixnay warqad aaan ku cadeyneeyno in uusan Trump sii wadi karin shaqadiisa”
ugu danbeyntii John Gartner iyo saaxibadiisa ayaa ku dooday in uu sharciga mareekanka u ogalyahay in ay sheegaan qofka cudarka qaba si aysan u dhicin waxyeelo uu naftiisa gaarsiiyo ama dadka kale.