Warbaahinta ayaa qoraya in shirkadda Meta oo leh webseetyada Faysbuug iyo Insitigaraam in ay halis ugu jirto maamnuucis laga saaro gudaha Yurub.
XAQIIQO NEWS- TIKNOOLAJI
Webseetka Ameerikaanka ah ee Axios ayaa qoray in Meta ay halis ugu jirto mamnuucis lagu sameeyo webseetyadeeda Faysbuug iyo Inistigaraam hadii midowga Yurub iyo Mareykanka aysan heshiis ka gaarin sida bayaanaatka iyo xogta loo wadaagaayo.
Heshiiskii horee ee midowga Yurub iyo Mareykanka ku jireen aya ku ekaa 2020, iyadoo intaasi wixii ka dambeeyey ay Meta ku shaqeyn jirtay heshiisyo gaar ah hase ahaate midowga Yurub waxa ay u arkaan heshiis aan jirin.
Meta waxa ay soo saartay digniin ay ku cadeyneysa hadii aan heshiis cusub la gaarin ama aan lagu shaqeynin heshiisyada gaarka ah in guud ahaan shirkadda ay joojin doonto adeegyada ay siiso macaamiisheeda Yurub ku sugan.
Digniinta shirkadda Meta ayaa lagu soo daabacay warbixin sanadeedkeeda kaasi oo la baahiyey khamiistii tagtay.
Markii ugu horeysay, khamiistii tagtay shirkadda Faysbuug waxa ay lumisay isticmaalayaashiii ugu badnaa aduunka oo dhan, arinkaasi oo shirkadda ku sababay in uu hoos u dhaco qiyaastii $200 milyan saamigeeda suuqa ay ku laheyd.