Jeesow Iyo Farmaajo Yaa Ku Fiican Maadada Taariikhda?

Xildhibaan Daahir Amin Jeesow ayaa xaqiijiyey in uu taariikhda kaga fiican madaxweyne Farmaajo ka dib markii uu soo qaatay qaacido taariikh ah isaga oo yiri “taariikhdu ma qarsoonto”


Xaqiiqonews-Wararka Gudaha

Df-ka ayaa dhawaan baab’isay iskoolkii taariikhiga ahaa ee Xasan Barsane, iyadoo dhismihii iskoolka u badashay xarunta horumarinta Wakaaladda Biyaha.

Xil. Jeesow ayaa ka mid ahaa dad hadal ka hor jeediyey kulan ay iskugu yimaadeen dad ka soo horjeeday tallaabada DF-ka ee ka dhanka ah Xasan Barsane.

Jeesow ayaa cabashada ku sheegay in ay tahay “Cabasho gar ah” , waxaa uuna intaasi ku daray in aan loo dul qaadan karin in iskoolkii Sh. Xasan Barsane taariikhdiisa la suuliyo.

“Dowladda hadda jirta taariikhii dalka ayey dib u soo nooleysay” ayuu yiri Jeesow oo intaasi raaciyey in aysan sax aheyn in qaar ka mid taariikhda la soo nooleeyo, qeyb kalane la suuliyo.

Xil. Jeesow ayaa si aan gambasho laheyn u sheegay in la xaqiro qof dhintay in ay ka mid tahay dambiyada ugu liito ee qof uu galo.

FADLAN QEYBTA HOOSE KU DHIIBO ARAGTIDAADA