Jiritaankii Soomaaliya Oo Saaran “Firaashka Geerida”

Ka dib markii la faafiyey Khariidadii dooda dhalisay ee lagu inkiray jiriraanka dalka Soomaaliya, labo maalin un ka dib Kenya ayaa soo saartay go’aano cusub oo ka dhan ah Soomaaliya.

Xaqiiqonews-Wararka Gudaha

Ka dib Meel ka dhac weyn oo loo geystay jiritaanka Soomaaliya, ayaa waxaa DF-ka loogu laab qaboojiyey “Waxaan ka qoomameyneynaa khaladkii dhacay”.

Kenya ayaa ka qeyb qaadatay qaaraannka iyadoo soo saartay bayaaan u qornaa sidan “Dowladda Kenya waxay ogaatay oo ay walaac ka qabtaa shixnado badan oo aysan cidna la socon oo ka imanaya Soomaaliya. Tani waxay jebineysaa xeerarka caalamiga ah ee gaadiidka, waxayna soo rogaysaa halis amni” 

iyadoo raacsatay “Sidaas darteed, dowladda Kenya ma ogolaan doonto in alaab aysan cidna la socon ay kasoo gasho dalka Soomaaliya. Diyaarad kasta oo arrintaas sameysana waxay qaadi doontaa mas’uuliyadda” .

Arimo Dhacaya Markii ugu horeysay

Waa markii ugu horeysay taariikhda ee Itoobiya ay si bareer ah u soo daabacdo khariidad meesha ka saartay dhukii “Soomaaliya” , taasi oo dadka wax falanqeeya ay ku tilmaameen “Tijaabin” iyagoo sheegay in Itoobiya ay dooneysay in ay ogaato falcelinta shacabka iyo madaxdaba ee ku aadan qorshaha fog ee Itoobiya.

halkee Sartu ka quransantahay?

Mushkiladda ay Soomaaliya waajaheyso ma ahan oo kaliya Kenya iyo Itoobiya, go’aanada jilicsan ee DF-ka ayaa nal cagaaran u daaraya Kenya iyo Itoobiya kuwaasi oo helaya goob aamin ah “Comfort Zone” oo markale ay ku tijaabin karaan wax walbo oo niyadooda ku soo dhaca iyaga oo aan ka cabsi qabin wax halis ah oo uga imaanaya dowladda Soomaaliya

Waxyaabaha Kale ee Kenya iyo Itoobiya Saacdiya waxaa ka mid ah mowqifka dowladaha khaliijka, iyadoo dowladda Imaraatka iyo Sacuudiga ay hogaaminayaan dagaalka ka dhanka ah jiritaanka Soomaaliya.

FADLAN QEYBTA HOOSE KU DHIIBO ARAGTIDAADA