Waddanka Soomaaliya marna kuma guuleysan doono kaalinta sarre ee xagga daahfurnaanta maxaa yeelay Soomaaliya waxa ay ku guuleysatay koobka masuq maasuqa iyada oo gashay kaalinta ugu dambeysa ee Liiska 180 dal oo baaritaankan laga sameeyey.
Xaqiiqonews-Wararka Gudaha
Dadweynaha ku sugan caalamka ayaa sameeyey banaanbaxyo ka dhan ah masuq maasuqa , waxaana ka mid ah dadkaasi dadweynaha reer Bolovia oo sanadkii 2018 sameeyey banaan bax iyaga oo ku dhawaaqayey “Maya masuq maasuq”, Laakiin gabi ahaanba sheekada Soomaaliya taasi waa ay ka duwantahay.
Sanadkii aynu soo dhaafnay 2019 Soomaaliya waxa ay gashay liiska ugu hoseeya ee xagga daafhfurnaanta, waxa ayna hadda Soomaaliya hoggaanka u qabatay dalalka ugu masuqmaasuq badan dunida.
Wadamada Sudan, Koonfurta Suudaan, Ekwotooriyaal Ghini iyo waddamo kale oo afrikaan ah ayaa iyguna ku soo baxay liiska ugu horeeya ee xagga masuq maasuqa aduunka.
New Zealand, Denmark iyo Finland ayaa iyugana ku soo baxay liiska dalalka ugu daahfurnaan badan, waxa ayna hogaaminayaan dalalka ugu masuq maasuq yar caalamka.