XAQIIQO NEWS- WAR IYO DHAMMAANTIIS
WARKA: Iyada oo wax lagu dhisaayo maraxalidihii kala duwanaa ee uu soo maray khilaafka doorashada ee salka ku haaya “muddo kordhinta”, kooxda Farmaajo waxaa u harsan khayaarkii ugu dambeeyey oo hadii uu fashilmo waxa meesha ka bixi doona isku dayka Farmaajo ee “xukun dheereysiga”
DHAMMAADKIISA: Isku daygii kowaad ee Farmaajo ku doonaayey xukun dheereysiga waxa uu ahaa il-ma aragto waana sababta dad badan aysan u fahmin u jeedada odaygan uu ka lahaa ololahii caanka ahaa ee “Qof iyo cod” xitaa ra’iisal wasaarihiisa waqtigaasi Kheyrre ma uusan fahamsaneyn damaca qarsoon ee Farmaajo.
isku daygii labaad ee Kooxda Farmaajo waxa uu ahaa mid ka muuqda sidii hore waxaana barlamaanka la horgeeyey “muddo kordhin ku meel gaar ah”taasi oo horudhac u aheyd muddo kordhinta weyn, hase ahaatee ololahii badbaadi qaran ayaa badalay qaabkii ay biyaha u socdeen.
Qorshaha Seddexaad Ahna Kii Ugu Dambeeyey
Madaxweynihii hore ee Hirshabeelle Maxamed Cabdi Waare ayaa sheegay in Farmaajo ay wax walbo kala muhiimsantahay qaabkii uu meel marin lahaa go’aankiisa “muddo kororsiga”.
Isku daygii u dambeeyey ee kooxda Farmaajo waxa uu ahaa “boobka doorashada” laakiin Midowga musharixiinta oo ah madal ay ku mideysanyihiin qaar ka mid ah musharixiinta u taagan doorashada madaxweynenimo ayaa aad uga soo horjeestay qaabka ay ku socoto doorashada baarlamaanka aqalka hoose, arintaasi oo Farmaajo iyo kooxdiisa hordhigeysa in ay ka fikiraan “plan c” macnaha qorshaha seddexaad.
Cabdiraxmaan Cabdi Shakuur oo ah hogaamiyaha xisbiga wadajir ayaa ka digay qorshaha seddexaad ee Farmaajo in uu noqon doono “dagaal” isaga oo dalbaday in saraakiisha ciidanka DF-ka aysan ka amar qaadan waxa uu ugu yeeray “dad aan sharciyad heysan.