Madaxda dalka oo sidii dowladii hore farogilin ku heysa murashixiinta hirshabelle(xog)

-

Saddex ka mid ah Musharaxiinta u taagan xilka Madaxweynaha Hirshabeelle ayaa shalay looga yeeray magaalada Muqdisho, kuwaasoo diyaarado gaar gaar ah looga soo qaaday magaalada Jowhar ee xarunta u ah Maamulka Hirshabeelle.

Musharaxiintan oo kala ah Daahir Cabdulle Cawaale, Cabdi Faarax Laqanyo iyo C/naasir Xaaji Shirwac ayay wararku sheegayaan inay taageero ka raadinayaan dowladda Dhexe, iyadoo si kala gaar gaar ah ay u wataan Mas’uuliyiinta dowladda.

Qaar ka mid ah Musharaxiinta Madaxweynaha ee ku sugan magaalada Jowhar ayaa ku eedeeyay dowladda Federaalka inay gadaal ka taageereyso Musharaxiintan oo qaarkood loogu soo dhoweeyay Jowhar si hab maamuus Madaxweyne, isla markaana ay ilaaliyaan Ciidamo ka tirsan dowladda.

Wararka ayaa sheegaya in dowladda Federaalka ay wado isku day ay ku dooneyso inay ku mideyso Musharaxiintan, isla markaana isku tanaasulaan, marka la gaaro wareega ugu dambeeya ee doorashada.

Warar aynu heleyno ayaa sheegaya in saddexdan Musharax ay kala taageerayaan Xafiiska Madaxweynaha, kan Ra’iisul Wasaaraha iyo Maamulka Gobolka Banaadir,

Musharax Cabdi Faarax Laqanyo ayaa la tilmaamay in Madaxtooyada ay taageereyso, waxaana xalay la sheegay inuu la balansanaa Madaxweynaha.

Sidoo kale warar kale ayaa sheegaya in Musharax Daahir Cabdulle Cawaale oo lagu tilmaamay inuu yahay Musharaxa ugu saameynta badan xilligan ayaa waxaa uu taageero ka heystaa Wasiiro iyo Xildhibaano ku dhow Ra’iisul Wasaaraha.

Saddexda Musharax ayaa lagu wadaa inay maanta dib ugu laabtaan magaalada Jowhar, si ay ololahooda u sii wadaan.

Doorashada Madaxweynaha Hirshabeelle ayaa lagu wadaa inay dhacdo maalinta Sabtida ee soo socota oo ay taariikhdu ku beegan tahay 16 bishan, waxaana magaalada ka socdo olole aad u xooggan iyo kulamo Musharaxiinta ay ku kasbanayaan Xildhibaanada Hirshabeelle.

Wararka U Dambeeyey

Cilmi Baaris..Dhimashada Ka Dib Ishu 5 Saac Ayey Wax Sii Arki Kartaa!

Baaris lagu sameeyey indhaha dad dhintay oo horay xubnahooda ugu deeqay in cilmi baaris lagu sameeyo ayaa waxaa lagu...

Waa Kan Cudurkii Uu U Dhintay Xaakimka Imaaraatka SH. Khalifa Bin Zaayed

Waxaa geeriyooday Madaxweyihii Imaaraatka carabta Shiikh Khalifa Bin Zayed Aala Nahyaan oo ahaa 73 jir, sida ay shaacisay Wakaaladda...

Mar Hadey Doorasho Tahay Qof Walba In Uu Soo Baxo Filo

Qof walbo waxa uu filayaa soo bixitaanka musharixiisa uu jecelyahay, balse waxaan la iska indha tiri karin mar hadii...

Ruushka Oo Sheegay In 30 Daqiiqo Kaliya U Baahanyahay Si Uu U Burburiyo Dowladaha NATO!

Maamulaha wakaaladda hawada sare u qaabilsan Ruushka ninka lagu magacaabo Dmitry Rogozin ayaa sheegay in dalkiisa u baahanyahay oo...

Doorashada 15-ka May..Maxaa Ugu Muhiimsan?

XAQIIQO NEWS- WAR IYO DHAMMAANTIIS WARKA:15-ka bishan aynu ku jirno ee May, waxaa lagu wadaa in la qabto doorashada aadka...

3 Weedh La Dhibsado Oo Ay Tahay In Aad Iska Ilaaliso Marka Aad La Kulmeysa dadka

Waxaa kale oo loogu yeeri karaa "kalmadaha isticmaalka laga badiyey" ama erayo kale hadii aan ku sheegno "nahdii ayaa...