Sida Ay shaacisay Wakaaladda Mareykana u qaabilsan “Keydka” Mareykanka ayaa haaya wadadii “Shiidnimada” , khubarada ayaana deynta lagu leeyahay Mareykanka ku tilmaamay “Bam waqtiyeysan” oo qarxi kara mar walbo.
Xaqiiqonews-Wararka dibadda
Warbixintani gaaban ma ahan mid ku dhisan caadifad ama rajooyin aan iska saadaalineyno, waxa aan isku dayi doonaa in aan aqristayaasheena la wadaagno Xaqiiqooyin iyo baaritaano dhab ah
Wasaaradda Ganacsiga Mareykanka Ayaa si cad u sheegtay in uu hoos u dhacay Wax soo saarka Mareykanka taasi oo ka dhalatay hoos u dhac balaaran oo ku yimid dadka soo dalbanaya Waxyaabaha Mareykanka soo saaraan marka laga reebo hubka difaaca,inkastoo Mareykanka uu balanqaadyo u sameeyey dadka iibsada wax soo saarkiisa,balse waxaa muuqada hoos u dhac weyn taasi oo waddanka ka dhigeysa mid u sii dhawaanaya in uu “Musalifo”.
Sidoo Kale Aqri Waa Kan Wajiga Kale ee Mareykanka Weyn..38 Milyan ayaa Ku nool Faqri!!
Dhinaca Kale waxaa yaraaday Kalsoonida Maalgaliyaasha ajaanibta ay ku qabaan suuqyada Mareykanka,taasi oo ay u dheertahay hoos u dhaca xooggan ee ku yimid Lacagta Doolarka marka loo barbar dhigo Lacagta Euro iyo Yuan-ka shiinaha, hoos u dhacani ayaa yareenaya kalsoonida lagu qabi karo in la maalgeshto Doolarka iyo guud ahaanba in la maalgeshto suuqyada lacagta Mareykanka.
Intaas oo dhan ka dib, dadka maalgeshtayaasha ayaa iska yareenaya keydka doolarka iyagoo u xuubsiibanaya in Dahabka laga dhigo “Halbeegga” lacag kala badalashada, taasi oo doolarka seejin doonto in uu sii xajisto qiimaha uu dunida ku leeyahay, tanina waa sababta baryahan dambe loo dareemaayo sara u kac ku yimid qiimaha dahabka.
Ugu Dambeyn, Mareykanka ayaa gadaal u macaashay sida laga dheehan karo liiska 100-ka dal ee dunida ugu fiican ee uu soo saaray Wargeyska Ameerikaanka ah ee “Newsweek’.
Mareykanka ayaa galay kaalinta 11,aad halkii uu markii hore ka ahaa kaalinta 1,aad, waxaana gudaha Mareykanka sara u kacay 15% dadka faqriga ah.