Markii Trump Laga Qaaday Boorsadii Nukliyeerka..Waa Tee Boorsada Kale Ee Uu Sii Qaatay!

La Wadaag Asxaabtaada

Mareykanka ayaa doonaya in uu iska soo xiro buugii Trump kaasi oo afartii sano ee ugu dambeysay laga buuxiyey qaladaad siyaasadeed oo gudo iyo dibadba leh.


XAQIIQO NEWS- WAR IYO DHAMMAANTIIS

Warka: Caawa waxa soo xirmaya afar sano oo Trump uu aqalka dhax fadhiyey, sidoo kale waxaa caawo Mareykanka laga caleemo saaray Biden..Trump ayaa aqalka cad iskaga baxay.

Dhammaantiisa: Waa kan Trump oo si caga jiid ah aqalka cad uga baxaya waxaana laga qaaday boorsadii nukliyeerka,hase yeeshee waxa uu gacanta ku sitaa boorso kale .. waxa uu horay u sii qaatay boorso ay ka buuxaan dambiyo, xadgudubyo iyo tacaddi ka dhan ah bani’aadamka oo uu ku gacay intii aqalka cad joogay.

Sidoo Kale Aqri: Xaqiiqooyin Kaa Nixinaya Oo Ku Saabsan Boorsada Madow ee Trump

Trump- oo u muuqda sawirka dhabta ah ee siyaasadda Mareykanka- ayaa iskaga tagay aqalka cad isaga oo aan dareemeynin wax cabsi ah,Trump ayaa aqalka cad ka sii qaatay boorso ay ka buuxaan hantida shacuubta dulman isaga oo xukun dheereysi uga badashay khiyaanoolayaal iibsaday qadiyadaha dalalkooda.

Trump ayaa iskaga tagay aqalka cad, isaga oo boorsadiisa ku sii qaatay askartii Mareykanka ee Soomaaliya ka joogtay, Trump ayaa iskaga tagay aqalka xilli gudaha Mareykanka ay ka taagantahay dhibaati dhaqaale iyo mid caafimaad oo ka dhalatay safmarka Karoona Fayrus.

Trump ayaa iskaga tagay aqalka, isaga oo dunida tusay wajiga dhabta ah ee dimuqoraadiyadda Mareykanka.

FADLAN QEYBTA HOOSE KU DHIIBO ARAGTIDAADA
Like
Like Love Haha Wow Sad Angry
La Wadaag Asxaabtaada