Daraasad cilmiyeed ayaa shaaca ka qaaday in joogitaanka waqtiga dheer ee hawada sare ay waxyeelo u geysato unugyada cas ee dhiigga.
XAQIIQO NEWS- SAYNIS
Sida lagu daabacay joornaalka Neyjar Medisiin “Nature Medicine”, in waqti dheer lagu qaato hawada sare waxa ay burburisaa unugyada cas ee dhiigga taasi oo dhiig la’aan ku sababta cirbixiyeenada.
Sida ku xusan cilmi baarista, unugyada cas ee dhiigga ee dadka hawada sare ku sugan waxa ay wajahahaan burbur 54% ka badan marka ay dhulka joogaan.
GUy Trudel, oo ka tirsan cilmi baarayaasha ka socday Jaamacadda Otowa ee Kanada waxa uu leeyahay “marar badan ayey cirbixiyeenada la yaabanaayeen dhiig la’aanta ku dhacda markii ay soo laabtaan, arintaasna waa qarsooneyd, waxaan ogaanay in uu ku dhaco burbur unugyada dhiigooda , xitaa markii ay dhulka u soo noqdaan”.
Cilmi baaristan ayaa la baahiyey ka dib baaritaan socday lix bilood oo lagu sameeyey cirbixiyeeno gaaraya 14, kuwaasi oo baaris lagu sameeyey intii ay joogeen boosteejada caalamiga ah ee hawada sare, sidoo kale baarisyo ayaa lagu sameeyey markii ay dhulka ku soo laabteen.
13 ka mid ah cirbixiyeenada ayaa dhiig la’aan lagu arkay ka dib markii ay dhulka ku soo noqdeen.
Saynisyahanada ayaa aaminsanaa daahiradda caanka ah ee loo yaqaan “dhiig yarada hawada sare” laakiin waxa ay rumeysan yihiin in qofka dhiiggiisa uu caadi ku soo noqonaaya afar bil kadib marka uu dhulka ku soo noqda.