Dhacdada Rayaan ee Ceelka waxa ay aheyd dhacdo mudan murugo iyo ooyin, balse waa in aan xisaabta ku darsano malaayiinta Rayaan Ee Ku dhibaatoonaya daafaha dunida oo ay ugu horeysa Soomaaliya.
XAQIIQO NEWS- WARARKA GUDAHA
Dad Soomaali ah oo isticmaala baraha bulshada ayaa is weydiiyey sababta Soomaalida aysan dareen ugu muujinin kumanaanka caruur ee siyaabo foolxun,baahi iyo macluul dartood ugu dhimanaya Soomaaliya.
Waxaana baraha bulshada lagu baahiyey sawirrada caruur Soomaali ah oo siyaabo kala duwan oo fuulxun loogu dilay gudaha Soomaaliya, waxaana ka mid ah gabar inta la dilay hilibkeeda oo la jarjaray digsi lagu riday.
Dadka qaarkood oo ka hadlay arinta ayaa xaaladda taagan ku qeexay in Soomaaliya ay naxariisteeda u dhoofisay wadamada dibadda, halka gudahan ay ka taagan tahay xaalad loo baroor diiqo.
Tusaale ahaan bishan Febaraayo Hay’adaha QM waxa ay baahiyeen ku dhawaad hal milyan oo caruur Soomaali ah in ay wajahayaan “macluul kadis ah” taasi oo ka dhigan in aysan caruurtaasi heysan wax ay cunaan.
Caruurta Soomaaliya waxa ay dhibaatada dabiiciga ah la wadagaan caruurta dunida, waxa ay baahida iyo macluusha la wadagaan caruurta Yemen, duqeynta dhimashada leh iyo dhaawacyada ay sababaan bambooyinka cirka laga soo tuura waxa ay la wadagaan caruuta Suuriya.
Halkan Hoose Ka Daawo Sawirrada Caruur ku Dhaawcmay Duqeymo Mareykanka Fuliyey Shabeelaha Hoose bishii may 2020
