Muxuu Elon Muska Shaqada Ugu Ceyriyey Cawiyihiisa Markii Ay Weydiisatay mishaar Kordhin?

-

Sanadka markuu ahaa 2014-kii waxa ay aheyd markii haweeneyda lagu magacaabo Mary Beth ay dalbtay shaqo kordhin, hase ahaate uma aysan heysanin in dalabkaasi uu soo afjari doono 12 sano oo xiriir shaqo-wadaag ay la laheyd asaasaha shirkadaha Tesla iyo Space X bilyaneerka caanka ah ee Elon Musk.


XAQIIQO NEWS- BARAHA BULSHADA

Mary Beth Brown waxa ay la shaqeyneysay Tesla muddo 12 sano ah, si adag ayey ula shaqeysay iyada oo safara hori iyo gadaal ku mari jirtay inta u dhaxeysa Los angles iyo Sillicon Valley todobaad walbo, waxa ay shaqeyn jirtay ilaa waqtiyada dambe habeenkii.

Waxa ay gacanta ku heysay jadwalka Elon labadiisa shirkadba (Space X iyo Tesla), waxa ayna qeyb libaax ka geysan jirtay go’aanadiisa ganacsiga la xariira.

Sanado badan ayey Brown aheyd qofka cuntada u diyaarisa Musk, qofka isku daba rida ballamahiisa ganacisga, qofka hagaajisa dharkiisa, waxa ayna 12 sano oo xiriir aheyd “caawiye daacad ah”.

Shaqadaada uma baahni

Brown waxa ay dalbatay “shaqo kordhin” waxa ayna rabtay in loo magacaabo boos sare, iyada oo rajo fiican qabta ayey codsatay in lagu daro gudiga sare ee fulinta shirkadaha Space X iyo Tesla.

Maxaad fileysaa in Muska uu jawaab uga dhigay?

Musk ayaa Brown ka dalbaday in ay qaadato fasax laba todobaad ah si uu u dareemo culeyska shaqadii ay iyada u heysay.

Muddo laba usbuuc ka dib markii ay xafiiska ku soo laabatay waxa uu ku wargeliyey in uusan u baahneyn shaqadeeda.

su’aasha ugu muhiimsan: muxuu Elon Muska shaqada uga ceyriyey Brown,madaama uusan wax dhib iyo culeys ah uusan ku arkin muddadii 12-ka sano ee aay la shaqeyneysay?

Elon Muska oo su’aasha ka jawaabaya ayaa isku difaacay in Brown uusan isaga ceyrinin balse uu u soo bandhigay boos shaqo kale oo la mishaar ah meeshii ay joogtay balse iyada ay diiday oo go’aansatay in ay iska tagto.

Dadka qaar ayaa bilyineerka ku eedeeyey in “mishaar kordhin” darteed uu shaqada kaga ceyriyey qof qaaraan badan kulaheyd gobaca shirkadahiisa Spacex iyo Tesla.

Facebook Notice for EU! You need to login to view and post FB Comments!

Wararka U Dambeeyey

Mooska Miyuu Noqon Karaa Halis Caafimaad!

Labo saynisyahan oo ka tirsan jaamacadda Beihang University Jian Saotian iyo Liao Jie,ayaa shaaca ka qaaday halis caafimaad oo...

Dagaalkii Qoriga Ee Farmaajo Iyo Mucaaradka Miyuu Soo Dhowyahay?

XAQIIQO NEWS- WAR IYO DHAMMAANTIIS WARKA:Todobaadkan Midowga Musharixiinta ayaa soo saaray digniin ku aadan habsami u socodka doorashada oo ay...

NASA Oo Dooneysa In Ay Kowkab Qarxiso..Dhagaxii Qiyaamaha Miyaa Soo Dhow?

NASA ayaa isku diyaarineysa in ay markab-xiddigeed si kas ah ugu dhufato kowkab, si tababar ahaan ah, iyada oo...

Ma Wanaagsantahay In Aad Mar Walbo Ahaato Qof Wanaagsan?

Dadka badankood waa ay ku jeclaan doonaan marka aad tahay "qof wanaagsan" laakiin xisaabta ku darsa mararka qaar in...

Mahadnaq..Dulmiga Ikraan Tahliil !

Ka dib muddo dhan 5 bilood oo kiiska Ikraan Tahliil uu soo taagnaa, sidee u aragtaa aqriste in aan...

Faafaahin..Wariye Cabdi Casiis Afrika Oo U Geeriyooday Dhaawac

Wariyaha caanka ah Cabdi Casiis Afrika oo sidoo kale ahaa agaasimaha raadiyaha afka dowladda ku hadla ee "radio Muqdisho"...