Wakaaladda xiddigiska Mareykanka ee marka magaceeda la soo gaabiyo loo yaqaan “NASA” ayaa baahisay sawir uu qaaday mid ka mid ah cirbixiyeenadeeda maalintii weeraradii qaraxyada lagu qaaday daaraha mataanaha 11-kii Sebtembar 2001.
XAQIIQO NEWS- WARARKA DIBADDA
Wakaaladda oo qoraal soo dhigtay boggeeda Tuiwterka ayaa tiri “cirbixiyeen Frank Culbertson waxaa uu xilligaasi joogay boosteejada caalamiga ah ee hawada sare (ISS) , halkaasi ayuuna ka arkaayey weeraradii 11 Sep”.
Sawirka ay NASA baahisay waxaa lagu arkayaa qiiq daran oo ka kacaya dhismayaashii mataanaha la weeraray ee Newyork ku yaalay.
Weerarkii 11 Sep, ayaa ah weeraradii ugu cuslaa abid taariikhda oo Mareykanka lagu qaado, waxaana fuliyey weerarka koox dhalinyarro ah oo ka tirsanaa shabakadda Al- Qaacidda kuwaasi oo inta ay afduubteen diyaaado rakaab, ka bacdina ku weeraray dhismayaal ku yaala xarunta gacansiga caalamiga ah ee Newyork iyo xaruntii difaaca Mareykanka ee Pentagon-ka.
Sidoo Kale Aqri: NASA Oo Gabay Carabi Ah Soo Qaadatay..Waa Tan Sababta
Inta la shaaciyey in ka badan 3,000 oo qof ayaa ku dhintay weerarka.