NASA Oo U Dhawaatay Qoraxda..Maxay Ku Arkeen?

Saynisyahanada ayaa fasiraad ka bixiyey arabcadii la soo dhaafay natiijooyin horudhac ah oo ka soo baxay “Misbaar cireedka” NASA oo u dhawaaday qoraxda.

Xaqiiqonews-Saynis-Xiddigiska

Misbaar cireedka NASA ee wata magaca “Parker” ayaa la diray sanadkii 2018, waxaana hadda la soo warinayaa in qalabkani uu masaafo yar u jirsaday daboolka kore ee qoraxda.

Baaritaanada horudhaca ah ayaa fasiraad ka bixinaya qaabka qoraxdu ay u saameyso jawiga hawada, arinkaasi oo saynisyahanada ka caawin kara in ay fahmaan dabeylaha qoraxda ee tashwiishka ku fura dayax-gacmeedyada iyo qalabka kale elektarooniga ah ee dhulka laga diray.

Sidoo Kale Aqri NASA Oo Dadka Shaki Ku Abuurtay..Bubur Soo dhaw!

Nicolas Fox oo ah fisikis-yahanad ka tirsan hay’adda Xiddigiska Mareykanka NASA ayaa tiri ” Markii aan u dhawaano qoraxda waxaa suuragal ah in aan aragno waxyaabo cusub, waana aragnay runtii”.

Qoraxda ayaa dhulka ka fog 93 Milyan oo Mile, misbaarkani ayaa ku guuleystay in uu qoraxda u jirsado fogaan dhan 15 Milyan oo Mile oo u dhiganta 24 Milyan oo Km, waana masaafo ka badan todobo laab masaafadii uu sameeyey misbaarkii kan ka horeeyey.

FADLAN QEYBTA HOOSE KU DHIIBO ARAGTIDAADA