Qaabkan Fudud Uga Takhalus Af-urka Bishan Ramadaan

Dhareerka ayaa qeyb weyn ka qaata ilaalinta nadaafadda afka iyo ilkaha, hase ahaate xilliga ramadaanka cuntada iyo biyaha laga soomanyahay waxa ay sababeysaa af qalal, taasi oo keeneysa “af-urka”.


Xaqiiqonews-Caafimaad

1-Ilkaha qaab fiican u nadiifi

Dadka qaar waxa ay isku haleeyaan in buraashka ama cadayka oo ilkaha la mariyo daqiiqado kooban, khubaradase waxa ay leeyihiin cadayga waxa uu baa bi’iyaa oo kaliya 60% bakteeriyada afka.

Ku dadaal in aad ilkaha nadiifiso 2 mar maalintii, gaar aahan afurka iyo saxuurta ka dib, adiga oo adeegsanaya dunta ilkaha, si aad u nadiifiso bikteeriyada gasha ilkaha dhaxdooda.

Sidoo Kale Aqri..Iska Barta 3-dan Walxood Ayaa Sababi Kara Shiirka Xun ee Jirka.

2-Luqluqashada

In aad ku luqluqato biyaha waxa ay qeyb ka qaadan kartaa soo saarista dhareer badan, dhareerkaasi oo la dagaalamaya bikteeriyada afka ee sababta shiirka xun, inta uu soomanyahay qofka.

3- Iska ilaali cuntooyinka afka uriya

Iska yareey cuntooyinka sababi kara af-urka, sida basasha, toonta, ukunta iyo sanbuuska, si aad uga takhalusto af-urka, badso cuntooyinka biyaha ku badan yihiin sida qudaarta, taasi dadka ka saacideysa in afka qoynaado saacadaha la soomanyahay.

Halkan Riix Si Aad U Aragto Wararka Muhiimka Ah ee Bogga Hore

FADLAN QEYBTA HOOSE KU DHIIBO ARAGTIDAADA