“Qiso Jaceyl” Waxaa Ka Qeyb Qaatay Diyaaradda Dagaalka ee F16

La Wadaag Asxaabtaada

Sarkaal ka tirsan Ciidanka Cirka Mareykanka ayaa waxaa hareeyey”Fedeexad” Sarkaalkan ayaa taabacsan ciidanka Ilaalada qaranka ee gobolka Vermont, dalka Mareykanka.

Xaqiiqonews.com-Wararka Dibadda

Sanadkii 2015-kii Thomas Jackman waxaa lagu qasbay in uu is casilo,  ka dib markii uu isticmaalay diyaarad dagaal oo nooceedu yahay “F16” isagoo diyaaradda ku aaday Washington, waxaa uuna ku marmarsiyooday  in uu ka qeyb galaayo Kulan Shaqo, balse waxaa dib laga odaagay in uu kulanka ahaa “Balan Jaceyl”.

Sida lagu qoray Website-ka Warbaahinta Fox News, Jackman ayaa waxa uu fariimo jaceyl la wadaagay qof aan la aqoonsan,  haweeneydaasi oo laba bil ka soo shaqeysay wasaaradda difaaca Mareykanka.

Jackman Waa 55 jir ka soo shaqeeyey guutada 158 ciidanka Cirka ee Gobolka Vermont ee dalka Mareykanka, ninkani ayaa isticmaalay diyaarad dagaal oo ah F16 isagoo ku safray masaafo dhan 800 km, waxa uuna  ka soo kicitamay magaalada  Burlington ee gobolka Vermont, waxaa uuna ku tagay xarunta ciidanka Cirka ee Andrews Air Base oo ku dhaw Washington DC, halkaasi oo uu kula balamay saaxibtiis.

Markii Laga warhelay dhacdada, waxaa lagu qasbay in uu dib u soo laabta isagoo soo raacaya diyaarad rayid ah, ka dibna xilka ayaalaga qaaday, ninkani ayaa hadda ka shaqeeya xarunta boostada ee gobolka Vermont.

Sida la wada ogyahay halkii mar ay duusha diyaaradda F16, waxa ku baxaya qarash dhan 8 kun oo dollar, hase yeeshee ma cadda in Jackman uu bixiyey lacagta  ku baxday “Safarka Jaceyl”.

FADLAN QEYBTA HOOSE KU DHIIBO ARAGTIDAADA
La Wadaag Asxaabtaada