Qiso Xanuun badan: Nin seddex Qarax ku dhaawacmay kuna Geeriyooday kii Zoobe(faafaahin)

La Wadaag Asxaabtaada

Mid ka mid ah dhacdooyinkii ugu cajiibka badnaa ee soo gaara warqabadka xaqiiqonews ayaa aheyd dhacdo xanuun badan oo ku dhacday nin magaciisa lagu soo goobay “gacameey” oo ka mid noqday dadkii ku geeriyooday qaraxii Zoobe.

Gacamey ma ahan magaciisa dhabta Isxaaq ayaa horay loogu yeeri jiray balse waxaa magaciisa badalay qaraxii degedda oo uu ku waayey gacanta kaliya ee u harsaneed iyadoo xusid ay mudantahay in ninkani uu horay u waayey mid ka mid ah gacmihiisa qaraxii Hargaha iyo saamaha.

Isxaaq waxaa uu markii ugu horreysay ku dhaawacmay Qaraxii hargaha iyo saamaha waxa uuna lumiyey gacantiisa bidix muddo ka dib isxaaq ayaa hadaneh dhibane u noqday qaraxii deggada gacantii kale ayaa raacday halkaasina waxaa lumay magaciisii Isxaaq iyadoo dadka ay ugu yeeri jireen “Gacameey” balse sidaasi nolashiisa kuma badbaadin waxaa uu 14-ka bishan ka mid noqday dadkii waxyeelada ay ka soo gaartay dhacdadii zoobe waxaana isaxaaq eheladiisa ay aaseen iyadoo ay ka horreysay in la aasay labadiisa gacmood.

Isxaaq ma ahan ninka kaliya ee ku wax yeeloobay Zoobe ee waxaa isxaaq dad kale uu kaga duwaana in dhacdadani ay aheyd tii seddexaad ee saameysa noolashiisa waxaa uuna isxaaq markani seddexaad uu dhibane u yahay qarax galaaftay nolasha boqolaal soomaali ah iyadoo aysan jirin cid sheegatay mas,uuliyadda qaraxaasi.

FADLAN QEYBTA HOOSE KU DHIIBO ARAGTIDAADA
La Wadaag Asxaabtaada