Gantaalka ayaa heleelay qoys ku noolaa deegaanka Ceel Cade ee ka tirsan gobolka Gedo, halkaasi oo ay ku geeriyootay Hooyo Sahro Aadan Shariif, halka dhaawac uu soo gaaray shan caruur ah oo ay dhashay.
XAQIIQO NEWS- WARARKA GUDAHA
Duqeynta ayaa Habeenkii Arbcada ka dhacday deegaanka Ceel Cadde oo ka tirsan gobolka Gedo.
Cali Axmed Sheek Cabdi oo ah aabaha qoyska ay duqeynta wax yeelleysay ayaa warbaahinta u sheegay in diyaarad daroon ah ay gurigiisa burburisay.
Sidoo kale Aqri: Qoraalkan Ayaa Ku Qornaa Gantaal Lagu Duqeeyey J/Dhexe
Kenya ayaa duqeymo xagdugub ah ka geysato deegaanada Jubbaland, iyada oo marmarsiiyo ka dhigata la dagaalanka Al-shabaab, waxaana badaan duqeymahaasi ay waxyeeleeyaan dad shacab ah.
Kenya ayaa duqeymaha u adeegsato diyaarado drone ah oo sanadkii 2016 ay ka soo iibsatay Mareykanka, gaar ahaan daroonta ScanEagle, taasi oo ku xiran yihiin gantaalo culus.
