Warar dheeraad ah ayaa ka soo baxaya qaraxa gaariga loo adeegsaday ee ka dhacay Degmada Wadajir, iyadoo khasaare kala duwan uu ka dhashay qaraxaasi.
War goordhow na soo gaaray ayaa sheegaya in sidoo kale qaraxa uu dhaawac ka soo gaaray Gudoomiyaha Haweenka degmada Wadajir.
dhanka kale War rasmi ah oo kasoo baxay xarakada Al Shabaab ayay ku sheegatay Mas’uuliyadda Qarax xooggan oo maanta duhurkii lagu qaaday xarunta degmada Wadajir ee magaalada Muqdisho.
ugu danbeyntii Xarakada Al Shabaab waxay sheegtay in qaraxa ay la heshay bartilmaameed gaar ah oo hadaf u ahaa, warar hordhac ah waxay sheegayaan in guddoomiyaha cusub ee Wadajir uu dhaawac culus kasoo gaaray qaraxa.
Sawiradii ugu dambeeyay ee goobta laga soo qaaday ayaa muujinaya burburka xoogan ee soo gaaray degmada iyo meydadka oo meesha yaala.