Ceeb ayey Imaaraatku ku aheyd in uu ku lug yeesho dagaalka “Ghaza”, waa kan wariyaha Israeliga ah Yadi Cohen oo sheegay , in duuliye Imaaraat ah uu qeyb ka ahaa weerarkii lagu qaadayey Ghaza todobaadyo ka hor,
Xaqiiqonews.com-Wararka dibadda.
Cohen ayaa ku sheegay bartiisa twitter-ka warkan “Dahi Khalfan Tamim ma waxaa uu beenin karaa in uu jirey duuliye Emirati ah kaas oo qayb ka ahaa ciidamada cirka ee Israaiil ee weerarkii Gaza saddex todobaad ka hor? Wuxuu tababar ku qaadanaayey diyaaradaheena F-35!, waxa aan ugu baqaayaa in uu beeniyo..”
Waxaa la sheegayaa in xiriirka Imaaraatka iyo Yahuudda uu gaaray ilaa heer laa is dhaafsado, dhinacyada amaanka, sirdoonka iyo millatariga, arinkaasi oo qatar gelinaya amaanka wadamada jaamacadda Carabta ku abtirsada, ogowna in Somalia ay ka mid tahay.
Sayid Maxamed Cabdulle, ayaa ahaa tusaalaha ugu fiican, isagoo meel cad iska taagay isgaashi lala yeesho carabta, waxaana diwaanka gabayada sayidka ka mid ahaa gabaygan hoose oo uu mariyey xilli la su,aalay “Sayidow maad carabta gaalmo ka dalbatid?” waxaa uuna ku jawaabay:
Mar haddaan wadaad aayad diin, ila ekeynaynin.
Amaan aniga lay oran karayn, tanu ahaan mayso.
Allow yaa af lama daaliyee, iga asluubeysta
Cudud ma leh col kula weerar gala ciidan iyo xooge.
Inkastey cid kuu soo diraan waa cidloo kale.
Caloosha iyo madaxay sidii dumar cantuugaane.
Maandhoow cayaayirka iga daa Carabi waa naage.