Sh. Xasan Daahir Aweys Oo Ka Nixiyey Lamaanihii Guurkooda “Muranka Dhaliyey”

Xasan Daahir Aweys ayaa af-dab ah ku weeraray waxa uu ku tilmaamay “Kufri” isagoo sheegay in aysan banaaneyn in la gubo qof muslim ah balse dhanka kale waxa uu xasan eedeyn ku tuuray gabadha isagoo yiri ““Gabdhaha marka ay shahwadu ku dhegto lama karo, mana aragto qof aan ahayn qofka ay jeclaatay, laakiin marka ay shahwadu ka dgeto ayay maskax yeelan doontaa !”

Xaqiiqonews.com-Wararka gudaha

Wadaadka mayalka adag Sh. Xasan daahir Aweys oo Hadda Ku jira Xabsi guri, ayaa fikirkiisa ka dhiibtay Sheekada todobaadka ee Guurkii “Muranka dhaliyey”.

Sh Aweys ayaa ayaa go,aan cad iska taagay guurka heeb sooca ku dhisan isagoo dhiirigeliyey in dacwadan lala aado “shareecada Islaamka”, hase yeeshe waxaa uu mugdi giliyey  sida laamaha dowladda ay u qaadan karaan go,aano ku dhisan Shareecada.

Dhanka kale Shiikha ayaa weerar ku qaaday lamaanaha isagoo yiri ““Gabdhaha marka ay shahwadu ku dhegto lama karo, mana aragto qof aan ahayn qofka ay jeclaatay, laakiin marka ay shahwadu ka dgeto ayay maskax yeelan doontaa, mana dhaqmi doonto”.

Ugu dambeyntii Xasan Aweys ayaa is weydiiyey sababta gabar hooyadeed xirantahay loogu sameeynaayo wax loogu yeeray “Aroos Qaran” wuxuuna la yaabay dilkii foosha xumaa ee lakula kacay Axmed Dowlo.

FADLAN QEYBTA HOOSE KU DHIIBO ARAGTIDAADA