Shirka London Maxaa loogu hadli doonaa soomaaliyana maxuu kaga dhiganyahay

-

La Taliyaha Madaxweynaha oo madax u ah Guddiga qaban qaabada iyo diyaarinta Shirka London ee dowladda Federaalka ayaa faah faahin ka bixiyay shirka, isagoo warbixin ku saabsan shirka maanta ka jeediyay shir ka dhacay Hoolka weyn ee Xarunta Afisyooni.

Shirkan oo horu dhac u ah shirka London ayaa waxaa ka qeyb galay dowladda Federaalka, Qaramada Midoobey iyo Safiirka UK u qaabilsan Soomaaliya David Concar.

C/raxmaan Ceynte ayaa sheegay in todobaadyadii u dambeysay ay shaqadiisa aheyd diyaarinta shirka London, isagoo faah faahiyay ajandayaasha looga hadlayo shirka.

“Isbuucyadii u dambeeyay shaqadeyda waxay aheyd diyaarinta shirka London, waxaa rabaa warbixin kooban inaan dadka halkan isugu yimid ka siiyo, shirka London waxa uu ku saabsan yahay waxa aan ka fileyno, cida ka qeyb galeysa iyo qodobo kale, shirka London waa shir caalami ah oo ay ka qeyb galayaan 40 dal iyo hey’ado waa weyn”ayuu yiri C/raxmaan Ceynte.

Waxaa uu sheegay in shirka ay si wada jir u shir guddoomin doonaan dowladda marti gelineysa ee UK, Qaramada Midoobey iyo dowladda Federaalka wafdi uu hoggaaminayo Madaxweyne Maxamed C/llaahi Farmaajo.

Waxaa uu sheegay in maalinta koowaad ee shirka 10 May ay dhici doonaan shirar kooban oo looga hadlayo arrimaha ganacsiga iyo maalinta xigta ee 11 bisha May oo uu dhacayo shirkii weynaa.

Mr Ceynte ayaa sheegay in shirka looga hadlayo afar ajande oo ajande walba ay saaran yihiin qodobo dhowr ah, waxaana ajandayaasha ka mid ah Amniga, Siyaasada, iyo kuwa kale.

Sidoo kale waxaa uu xusay in ajandaha Amniga muhiimadiisa yahay sidii shirka London loola tagi lahaa heshiis siyaasadeed oo dhinaca Amniga ah, kaasoo u dhaxeeya dowladda Federaalka iyo dowlad goboleedyada, waxaa uu xusay in diirada lagu saarayo qorshaha Amniga ee la isla gaaray, isagoo xusay in arrinta Amniga ee dhismaha ciidamada ay markii dambe qeyla dhaan ka timid, balse Baarlamaanka uu soo jeediyay in wax laga bedelo, hadana ay hayaan nuxurkiisa.

Shirarka loogu gogol xaarayo shirka London ayaa maalmahan ka socda magaalada Muqdisho, waxaana hor-boodaya La Taliyeyaasha idman ee Madaxweynaha dhinacyada siyaasada iyo Amniga C/raxmaan Ceynte iyo Xuseen Macalin, waxaa loo arkaa inay yihiin kuwo xilligan ka awood badan Wasiirada, maadaama shirka diyaarintiisa iyo ajandayaasha lala aadayo ay gacanta ku hayaan.

Facebook Notice for EU! You need to login to view and post FB Comments!

Wararka U Dambeeyey

Muuqaal..Maxay Rakaabkan Diyaaradda U Riixayaan?

Muuqaal ka mid ah kuwa ugu cajiibsan, dalka Nepal waxaa baraha bulshada lagu baahiyey diyaarad ay rakaabka dabada ka...

Hadii Aad Aragto Riyooyinkan..Dhaqso Dhaqtar U Tag

Khubarro ka tirsan xarunta "Sleep cycle center" ee fadhigeedu yahay gobolka Teksas ee Mareykanka ayaa sheegay in riyada ay...

Dilka Shacabka Oo Lagu Tartamaayo!

Rasaasta ciidanka Df-ka ayaa dishay 3 qof oo shacab ah gudaha magaalada Muqdisho, halka gantaal hoobiye ah oo ...

Imisa Qof Oo Soomaali Ah Ayaa Hub Heysta?

Hubka saxda ee gacanta uga jira muwaadiniinta Soomaaliya waa mid aan la aqoon, hase ahaate warbixin lagu qoray webseetka...

Internetka Aduunka Oo Halis Ugu Jira In Uu Joogsado Sababtan Darteed

Saynisyahanada ayaa ka digaya cillad guud oo ku timaado internetka aduunka iyaga oo sababtuna ku qeexaya nidaamka cadceedda oo...

Mooska Miyuu Noqon Karaa Halis Caafimaad!

Labo saynisyahan oo ka tirsan jaamacadda Beihang University Jian Saotian iyo Liao Jie,ayaa shaaca ka qaaday halis caafimaad oo...