VIdeo HD:Alshabaab oo filim Cusub Soo saaray Iyo Abu Subeyr Oo Ka Soo Muuqanaya

Filimka oo loogu magacdaray Masiirka Sugnaanta ayaa waxaa si aad ah looga hadlayaa waxa ay ay xarakadu ugu yeertay halganka iyo taariikhda jihaadka ee Sheekh Mukhtaar Abuu Zubeyr ,waana markii ugu horreysay oo filim lagu soo muujiyo Wajiga Sheekh Abuu Zubeyr Hoggaamiyihii Hore ee Xarakada Al Shabaab.

Muuqaalkan oo soconaya 1:24 ayaa waxaa lagu arkayaa Sheekh Abuu Zubeyr oo xiran dhar madow, kuna hubeysan qoriga AK47, sidoo kale waxaa looga hadlayaa taariikhdii Ururadii Maxaakimta iyo Al Itixaan oo Soomaaliya kasoo dagaallamay , laga soo bilaabo sagaashameeyadii iyo sida ay ku aas aasmeen iyo bilaabashadii Maxkamadihii Islaamiga.

Waxaa kaloo muuqaalka looga sheekeynayaa waxbarashadiisa dalka Pakistan iyo dagaaladii uu ka soo galay dalka Afghanistan. illaa soo laabashadiisii Hargeysa dhamaadkii sanadkii 1999 iyo imaanshihiisa Koofurta Soomaaliya sanadkii 2003-dii.

Bishii September sanaddii 2014 ayay dowladda Mareykanka duqeyn xagga cirka ah ku dishay Sheekh Abuu Zubeyr xilli uu ku sugnaa duleedka degmada Baraawe ee gobolka Sh/Hoose.

Halkan Ka Daawo Filimka Oo Mp4 ah
halkan Ku Daawo link Facebook ah

FADLAN QEYBTA HOOSE KU DHIIBO ARAGTIDAADA