Waa Kanaa Xilka Cusub ee Jeesow Loo Magacaabay

Gudoomiyaha Gobolka Gedo, Macalimow ayaa sheegay in shacabka Jubbaland aysan laheyn dad u dooda xaqooda marka laga reebo Jeesow iyo Dalxa


XAQIIQO NEWS- WARARKA GUDAHA

Shacabka Gedo ayaa sameynaya isku soo baxyo iyo dhaqdhaqaaqyo ay ku diidanyihiin gorgortan laga galo gobolka Gedo iyo guud ahaan deegaanada Jubbaland.

Macalimow oo ah Gudoomiyaha Gobolka, oo hadal ka jeediyey meel fagaaro ah ayaa afka dheer ku sheegay in aysan jirin cid u dooda shacabka Jubbaland, isaga Jeesow u magacaabay xil cusub oo ah “Xildhibaanka kaliya ee u dooda Jubbaland”, kaasi oo matalaya Soomalida midowday ee Jubbaland.

Sidoo Kale Aqri..Yey Shaqadiisu Tahay In Uu Axmed Madoobe Soo Xiro?

Macalimow ayaa yiri “war ma taqaaniin ninkaasi u sabciya, Amiin Jeesow” isaga oo sii raaciyey “Jeesow ayaa xildhibaan idin ah.

Macalimow ayaa Shacabka Gedo u sheegay in uu ku dhaaran karo in aysan jirin cid iyaga u doodeyso marka laga reebo labada xildhibaan ee kala ah Jeesow iyo Dalxa, waxa uuna ku tilmaamay “daba dhilifyo” xildhibaanada kale ee Jubbaland.

FADLAN QEYBTA HOOSE KU DHIIBO ARAGTIDAADA