Waa kee Taleefoonka Cusub ee Bitirigiisa Dabka Ceshan Karo 50 Maalin ?

La Wadaag Asxaabtaada

Cabashada ugu badan ee ka taagan taleefoonada Caqliga leh “Smart phones-ka” waa dab keydsashada biitiriga, taleefoonada dabkooda ceshan karo muddo 2 maalin ah waxa aan u aragnaa kuwa “Heersare ah”.

Xaqiiqonews-Tiknoolaji

Shirkadda Energizer  ayaa shaaca ka qaatay taleefoon leh bitiri awood leh, kaasi oo ay ku tilmaameen “Xal la taaban karo”  oo dabooli kara baahida isticmaalayaasha.

Bitirigan cusub ayaa ka xishoodsiinaya bitiriyada hadda suuqa yaalla, waxa ayna shirkadda leedahay waxa uu dabka celin karaa 50 maalmood, sidoo kale waxa aad ku dhageysan kartaa cod muddo dhan 100 sacaadood oo xariir, taasi oo ay dheertahay in aad ku dawaan karto muuqaal si xariir ah muddo dhan 2 maalin.

Amaanta uu taleefonka ka helayo awoodda  bitirigiisa, ayaa dhanka kale waxaa uu luminayaa qeyb muhiim u ah taleefonada waa “Baaxadda”, taleefoonka ayaa yeelanaya baaxad aad u weyn oo sababteedu uu leeyahay bitiriga weyn, durbaba waxaa soo baxay erayo loogu naaneysaayo taleefoonka cusub, waxaana ka mid ah naaneysta ah “Wiilka Buuran”.

Inkastoo Wararka taleefonkan laga sii tabinaayo ay u muuqdaan kuwa “Kaftan ah” hase yeeshee Energizer ayaa waddo qorsho ay ku soo dooneyso in ay ku soo saarto,.

FADLAN QEYBTA HOOSE KU DHIIBO ARAGTIDAADA
La Wadaag Asxaabtaada