Mahad Salaad ayaa taliyaha NISA ee gobolka Banaadir u magacaabay Muxiyidiin Warbac Shadoor oo horay uga tirsanaan jiray NISA.
XAQIIQO NEWS- WARARKA GUDAHA
Magacaabista Muxiyidiin Warbac ayaa imaaneysa 4 maalin ka dib markii golaha wasiirada ay ansixiyeen Mahad Salaad oo noqday agaasimaha nabadda sugidda NISA.
Warbac waxa uu horay uga tirsanaan jiray NISA, isaga oo qeyb ka ahaa saraakiishii howlgalkii loogu magac daray xasilinta Muqdisho, howlgalkaasi oo nabad sugidda ay si siman ugu fulisay dhammaan xaafadaha Muqdisho.
Isbadalka ku yimid hogaanka NISA ayey dad badani filayaan in uu wax ka badalo aragtida laga qabo hay’adda oo noqotay mid xun ka dib dilal iyo afduubyo dhacay oo NISA lagu eedeeyey.
Waxyaabaha kale ee la isla dhax maraayo waxaa ka mid ah: in uu socdo qorsho magaca looga badalaayo NISA iyo sidoo kale in hay’adda laga dhigo mid rasmi ah oo sharciyeysan.