Mareykanka ayaa si dhameystiran uga baxay Afghanistaan, laakiin waxa ay dalkaasi kaga tageen, diyaarado, rasaas, hub, qalab iyo xitaa baabuur rogmaday oo lagu arkay meelihii Mareykanka uu iskaga tagay.
XAQIIQO NEWS- WAR IYO DHAMMAANTIIS.
WARKA: Habeenkii isniinta 30-ka Agoosto, waxa uu Mareykanka iskaga tagay Afghanistaan, isaga oo iclaamiyey dhammaadka dagaalkii ugu dheeraa abid taariikhda Mareykanka.
DHAMMAADKIISA: Mareykanka ayaa Afghanistaan ku qaaday dagaal ay ku baxday lacag dhan Tiriliyan , nafafta kumanaan askar ah iyo waqti dhan 20 sano, si natiijadu ay u noqoto Daalibaan ka qaad Daalibaan u dhiib, macnaha jug jug meeshaada joog.
Sidoo Kale Aqri: Mareykanka Oo Eeyihiisa Kala Baxay Afghanistaan Xilli Saaxibadiisa Ay Fursad La’yihiin!
Mareykanka waxa uu iskaga tagay Afghanistaan isaga oo u muuqda sixirow ka dib markii la arkay baabuur la rogay oo yaalo meel walbo uu Mareykanka ka baxay min xerada cirka ee Bagram ilaa garoonkaXamiid Garzaay ee Kaabuul meel walbo Mareykanka waxa uu kaga tagay baabuur rogmday.
Maxay Tahay Sirtu?
Falanqeeyaasha arimaha milatriga ayaa aaminsan in Mareykanka uu baabuurta la rogay u isticmaali jiray “difaac ku meel gaar ah” iyaga oo ka cabsi qaba weerar kadis ah oo uga yimaada ururka dowladda islaamiga ah faraciisa Khuraasaan.
Mareykanka ayaa sidoo kale baabuurtan xabadda karin ee la rogay u isticmaali jiray in uu gabaad kaga dhigto rasaas walboo kaga imaan karta Afghaaniyiinta oo ay ugu horeyaan Daalibaanka.
Mareykanka ayaa si dhameystiran Afghanistaan ka baxay isaga oo aan xitaa arintaasi la wadaagin Daalibaan, waana isla qaabkii Mareykanku kaga baxay xerada cirka ee Bagram, waxaana mar walbo lagu war helayaayey iyaga oo tagay ogeysii la;aan.