Mid ka mid ah shaqaalaha qaabilsan boorso qaadista oo ka howlgala madaar Hindiya ku yaalla ayaa si kadis ah isku arkay isaga oo joogo Abu Dubeey, isaga oo aan xitaa dareemin safar.
XAQIIQO NEWS- LAYAABKA DUNIDA
Sheekada ayaa ku bilaabaneysaa markii ninkani Hindiyaanka uu si kadis ah ugu dhax hurday qolka shixnadaha mid ka mid ah diyaaradaha xilli uu qaabilsanaa ku xareynta boorsooyinka qolka shixnadaha ee diyaaradaha.
Si kadis ah ayuu ugu dhax hurday qolka, waxa uuna is arkay isaga oo joogo dalka Imaarataaka.
Shaqaalahan ayaa sheegay in uu si lama filaan ugu dhax gam’ay qolkii uu xamuulka geynaayey ka dibna diyaaradda ay duushay markii baaritaankii caafimaadka la marsiiyey rakaabkii diwaangeshanaa ee diyaaradda.
Waaaxda caafimaadka ee Abuu Dabeey oo baaritaano ku sameeyey ninkan ayaa sheegay in xaaladdiisa jireed ay tahay mid badqabto, waxaana markii dambe dib loogu celiyey Mombaay safar noqosho ah.