Abaaraha dalka, damaca Farmaajo iyo muranka doorashooyinka, xil ka qaadista gudoomiyaha guddiga doorashooyinka iyo dallacsiinta saraakiisha booliska, dhammantood waa dhacdooyin nagu soo laalabtay mana jiro wax cusub oo dadka loo sheeko.
XAQIIQO NEWS- WARARKA GUDAHA
QM ayaa digniin ka soo saareysa abaaraha ka jira dalka Soomaaliya iyadoo biyo la’aanta iyo cunta xumada ay gaareen meeshii ugu xumeyd muddo afar sano ah.
100 sano ee ugu dambeysay waxaa dalka Soomaaliya ku dhuftay abaaro kalaaftay nolasha malaayiin xoolo ah iyo kumunaan dad ah, waxaana ugu waaweyn: abaartii Jiitama ee dhacday 1945-kii, abaartii jimco baasto 1964-kii, tii dabadheer 1974-kii, abaartii cagabarar 1992-kii, abaartii siman 2011 iyo kuwa kale oo badan.
Sababa ugu waaweyn ee khubarrada ay u tiirinayaan sii badasha abaaraha Soomaaliya ayaa waxaa ka mid ah isbadalka cimilada.gaar ahaan isbadalka cimilada ee sida la sheegaayo uu sababay qiiqa warshadaha.
War kale oo arimahaasi ka duwan: CCW oo muuqaal kooban soo dhigay bartiisa Faysbuugga ayaa sheegay in ay qabaan walaac ku aadan qorsho ay wadaan kooxda Farmaajo kaasi oo lagu carqaldeynaayo doorashooyinka, si marmarsiiyo loogu sameysto “ku darasasho sharcdi darro ah”.
Dhanka kale Madaxweynaha waqtigiisa dhammaaday Farmaajo ayaa dallacsiiyey Farxaan qoroole oo ka mid ahaa saraakiisha booliska arintaasi keentay in su’aal la iska weydiiyo sharciyad noocee ah ayuu Farmaajo u heystaa xil ka qaadis iyo dallacsiin.
Dhacdo kale oo xiriir la leh xil ka qaadis: guddiga doorashooyinka heer Federaal ayaa xil ka qaadis ku sameeyey guddoomiyihii guddiga doorashooyinka iyaga oo ku eedeeyey in uu ka baxay dhexdhexaadnimada.
Xil ka qaadista guddoomiyaha doorashooyinka ayaa imaaneysa maalmo un ka dib markii ra’iisal wasaare Rooble uu shaqada ka eryey 7 xubnood oo ka mid ahaa guddiga khilaafaadka ee doorashooyinka.