Kulan aan caadi aheyn oo ay isugu yimaadeen Golaha Wasiirada Hirshabeelle oo uu shir guddoominayay Madaxweyne Cali C/llaahi Cosoble ayaa looga hadlay xiisada siyaasadeed ee xilligan u dhaxeysa maamulkooda iyo dowladda Federaalka.
War saxaafadeed ka soo baxay shirka ayaa lagu sheegay in dowladda Federaalka ay fara gelin ku heyso Maamulka Hirshabeelle, isla markaana aanay aqbali doonin.
War saxaafadeedka ayaa lagu sheegay inay ka fiirsanayaan xiriirka ay la leeyihiin dowladda Federaalka.
Tallaabooyinka is daba jooga ee ka soo baxaya Maamulka Hirshabeelle ayaa u muuqda kuwo seef la boodnimo ah, isla markaana maamulka uu qaadayo dhabihii maamulka Puntland oo looga bartay, marka wax yar oo tabasho ka keenaan dowladda Federaalka ay durbaba ku dhawaaqi jireen inay xiriirka u jareen.
Halkan hoose ka akhriso war saxaafadeedka:-
