Waa Kuma Xasan Abshir Faarax Oo Turkiga Ku Dhintay?

La Wadaag Asxaabtaada

Ra’iisal wasaarihii hore ee Soomaaliya ee xiligii dowladii C/ Qaasimi, Xasan Abshir Faarax ayaa ku geeriyooday Ankara Turkiga, isaga oo jiray da’da 77 sano.


Xaqiiqonews-Wararka Gudaha

Sida ay sheegtay BBC-da, marxuunka ayaa in muddo la xanuunsanaa xanuunka Kansarka, isagoo labadii todobaad ee ugu dambeysay ku jiray qolka xaaladaha deg deg ah ee ICU-da.

Xasan Abshir Faarax oo ku dhashay magaalada Muqdisho ayaa soo noqday duqii hore ee Muqdisho xiligii dowladii kacaanka Siyaad Barre, waxa uuna hadda ahaa xubin ka tirsan barlamaanka Fedaraalka Soomaaliya.

Xasan Abshir ayaa ka mid ahaa asaasayaashii maamul goboleedka Puntland, sidoo kale xiligii dowladi Cabdulaahi Yuusuf, Xasan Abshir waxa uu soo noqday wasiirka howlaha guud.

War kale oo arintaasi la mid ah, waxaa lagu soo waramayaa in magaalada Nayroobi uu ku geeriyooday Maxamed Cabdi Xaanshi , madaxweyne ku xigeenkii Puntland, kaasi oo xilka madaxweynenimo qabtay muddo lix bilood, ka dib markii Madaxweynihii Puntland ee xiligaas Cabdulaahi Yuusuf loo doortay madaxweynaha Soomaaliya.

FADLAN QEYBTA HOOSE KU DHIIBO ARAGTIDAADA
La Wadaag Asxaabtaada