Khaalid Oraam oo ah aabaha dhalay wiilkii marookaanka ahaa ee ceelka dhacay ee Rayaan ayaa digniin ka soo saaray kooxo qowleysata kuwaasi oo ka faa’ideystay dhacdadii xanuunka laheyd ee wiilkiisa ku dhacday.
XAQIIQO NEWS- WARARKA DIBADDA
Waxaa baraha bulshada lagu baahiyey Rayaankii ceelka ku dhintay aabihiis oo ka andacoonaya dad magaciisa ku furtay bogag faysbuug ah si ay dadka lacag uga aruursadaan.
Waxaa uu yiri “qowleystada ma ahan kuwa leh wax damiir ah ,waliba khiyaanada internetka si gaar ah waa bahalnimo”
Waxaa uu xusay taageerada iyo garab istaaga carabta u muujiyeen taasi oo ku sheegay in niyadda u qaboojisay isaga iyo xaaskiisa Wasiima oo iyada aan indhaheeda is saarin tan iyo markii wiilkooda yar uu ceelka ku dhacay.
Badbaadinta Rayaan ayaa mashquulisay dhammaan deegaanada ku hareereysan magaalada Sheefshaawin ee dhacda waqooyiga Marooko iyo guud ahaan dunida oo dhan.
wax ka badan 100 saacadood ayuu Rayaan ku dhax qaatay Ceelka uu ku dhacay waxaana ka muuqday dhaawacyo iyo dhiig bax ay sababeen dhagaxyadii uu ku dul dhac, sidoo kale dhaqaatiirta ayaa sheegeen in Rayaan uu ka jabay qoorta iyo laf dhabarta.